Cynigiwn opsiynau astudiaeth rhan-amser a all eich helpu i newid cyfeiriad eich gyrfa, sicrhau cynnydd yn eich swydd bresennol neu’n syml ddatblygu sgiliau mewn maes yr ydych yn angerddol amdano. Cynigiwn gyrsiau mewn ystod eang o feysydd pwnc, o raglenni byr 10-wythnos i gyrsiau y gellir eu cwblhau dros 2 flynedd.
Mae Cyfrif Dysgu Personol (PLA) yn rhaglen a ariennir gan Lywodraeth Cymru sy’n galluogi’r rhai sy’n bodloni’r meini prawf i gael mynediad at gyrsiau am ddim a chymwysterau proffesiynol sy’n datblygu sgiliau ac yn eu helpu i symud ymlaen neu newid eu gyrfa. Am fwy o wybodaeth, ewch i’n tudalen PLA
Mae ein Coleg Cymunedol yn cyflwyno cyrsiau hobi a hamdden am ddim sydd ag achrediad mewn ystod enfawr o feysydd pwnc. *Mae cyrsiau yn cynnwys darpariaeth ar-lein ac wyneb i wyneb ac fel arfer maent yn 10 wythnos o hyd. P’un ai oes mai garddio, gwneud teisennau, ieithoedd neu gyfryngau cymdeithasol y mae gennych ddiddordeb ynddynt, mae ein cyrsiau yn ffordd wych i ddatblygu eich sgiliau a chwrdd â phobl newydd ar hyd y ffordd.
*Caiff cyrsiau eu cynnig yn rhad ac am ddim i ddinasyddion Cymru ar hyn o bryd, ond gallai hyn newid. I gael yr wybodaeth ddiweddaraf eich i’r dudalen Coleg Cymunedol
P’un ai ydych eisiau gwneud cwrs byr neu gymhwyster hirach seiliedig ar waith, mae gennym dîm a all eich llywio a’ch helpu i gyflawni eich nodau a helpu cael dechrau da i’ch dysgu.
I ganfod mwy, ewch i dudalen Dysgu ar-lein.