Mae ein academïau yn darparu rhaglen estynedig o sgiliau trochi, datblygu a mynediad i arbenigwyr a mentoriaid diwydiant i ddysgwyr.
Yn ogystal â’u rhaglen ddysgu, mae myfyrwyr sy’n cael mynediad i’n hacademïau yn cael budd o sesiynau grŵp ac unigol wythnosol mewn amgylchedd sy’n adlewyrchu’r diwydiant sydd o ddiddordeb iddynt. Mae myfyrwyr yr academïau yn dod i gysylltiad ag amrywiaeth o weithgareddau a rhaglenni a gynlluniwyd yn benodol sy’n helpu i lunio a datblygu unigolion talentog i wirioneddol fod yn bopeth y gallant fod.
Mae’r rhaglen Academi Celfyddydau Perfformio yn gyfle allgyrsiol i ymestyn a herio myfyrwyr yn holl ddisgyblaethau canu, dawnsio ac actio. Mae’r sesiynau ychwanegol hyn yn cynnwys gweithdai gan ymarferwyr gwadd ac yn gyfle i ddysgwyr i ymdreiddio’n ddyfnach i fyd theatr. Mae dysgwyr academi yn aml yn ffurfio rhan o’n ‘Cwmni Perfformiad Academi’ ac yn perfformio mewn llawer o ddigwyddiadau yn y coleg ac yn allanol.
Mae ein Academi Pêl-droed yn cynnig cyfle i fyfyrwyr ddatblygu fel chwaraewyr a hefyd fel unigolion. Rydym yn atgynhyrchu proffesiynoldeb chwaraeon ar y cae chwarae ac i ffwrdd ohono drwy’r sesiynau hyfforddiant 3 gwaith yr wythnos, gemau a chynnwys y cwrs. Bydd gennych amserlen lawn a diddorol, dwy awr o nerth a chyflyru bob wythnos, a chyngor ar ffisiotherapi os oes angen. Cewch eich arwain gan hyfforddwyr profiadol fydd yn rhoi cefnogaeth lawn i’ch datblygiad ac yn eich helpu i gyflawni eich nodau.
Bydd ein Academi Rygbi yn eich cefnogi i ffynnu fel myfyriwr ac fel chwaraewr. Mae ein hyfforddwyr yn brofiadol iawn ac yn hollol ymroddedig i’ch datblygiad, ar ac oddi ar y cae chwarae. Byddant yn rhoi profiadau a dysgu newydd i’ch gwthio allan o’ch man cysurus a chynyddu eich lefel hyder. Byddwch yn hyfforddi 3 gwaith yr wythnos fel rhan o’r Academi, mynychu dwy awr o nerth a chyflyru yr wythnos a bydd cyngor ffisiotherapi ar gael os oes angen hynny. Mae’r Academi Rygbi yn ymwneud ag angerdd am ddysgu a chymryd rhan – os mai chi yw hynny, dewch i ymuno â ni!
Cefnogir yr Academi Seiber gan Cyber College Cymru i helpu i baratoi myfyrwyr ar gyfer gyrfa mewn Seiberddiogelwch. Gan weithio ochr yn ochr ag arbenigwyr diwydiant o sefydliadau fel Admiral, Thales a Fujitsu, byddwch yn cymryd rhan mewn rhaglen o weithdai sgiliau, heriau a briffiadau. Byddwch hefyd yn cael cyfle i gystadlu yn erbyn colegau eraill mewn cystadlaethau cipio’r faner.
Yn ystod ail flwyddyn y rhaglen hon, byddwch hefyd yn cael y cyfle i ennill cymhwyster proffesiynol a gydnabyddir gan y diwydiant a fydd nid yn unig yn datblygu’ch gwybodaeth ond hefyd yn gwella eich CV ar gyfer eich cam nesaf i Addysg Uwch, Prentisiaeth neu’r gweithle.
I gael rhagor o fanylion am Cyber College Cymru ewch i www.cybercollegecymru.co.uk
(*) yn nodi meysydd gofynnol