Digwyddiadau Darganfod
Drwy gydol y flwyddyn, rydym yn agor ein drysau i’r cyhoedd ac yn cynnal nifer o ddigwyddiadau darganfod. Mae’r digwyddiadau hyn yn rhoi blas ar fywyd myfyrwyr yng Ngholeg Penybont ac yn ffordd wych o drafod opsiynau o ran cyrsiau ac archwilio’r ystod eang o gymorth sydd ar gael i chi.
Ein Digwyddiadau Agored nesaf
Open Day (Campysau Penybont a Phencoed)
Thursday 14 August 2025, 9.30am-12pm
Open Day (Pencoed Campus Only)
Dydd Iau 21 Awst 2025, 9yb-5yp
**Cyhoeddir dolenni cofrestru cyn bo hir**
Darganfyddwch Goleg Penybont
Ble fydd eich taith yn mynd â chi?
Mae ein Digwyddiadau Darganfod hefyd yn cynnwys teithiau campws unigol. Caiff y daith ei chynnal ar y campws y mae’r pwnc sydd o ddiddordeb i chi yn cael ei astudio, ac fe gaiff ei theilwra’n benodol ar gyfer hynny. Gan gynnig cyfle unigryw i weld ein campysau dan amgylchiadau tawelach a mwy personol, mae ein teithiau maes pwnc yn rhoi cipolwg agos ar raglenni a chyfleusterau penodol, gan ganiatáu i chi ofyn cwestiynau a chael mewnwelediad gwerthfawr gan ein harbenigwyr yn uniongyrchol. Bydd ein tîm Anghenion Dysgu Ychwanegol (ADY) pwrpasol hefyd wrth law i ateb unrhyw gwestiynau sydd gennych ac i ddarparu cymorth i ddysgwyr ag anghenion penodol a’u teuluoedd. Yn wahanol i deithiau grŵp mawr, mae’r sesiynau ffocws hyn yn cynnig profiad mwy teilwredig, gan sicrhau eich bod yn cael y wybodaeth sydd ei hangen arnoch i wneud penderfyniadau pwysig am eich dyfodol.
Teithiau campws
Ymunwch â ni ar un o’n teithiau campws. Rydym yn cynnig dros 20 o deithiau gwahanol, pob un ohonynt yn canolbwyntio ar faes pwnc penodol.
Cyngor ac arweiniad yn ein Digwyddiad Agored
Gwasanaethau Myfyrwyr Bydd ein Tîm Gwasanaethau Myfyrwyr yn bresennol i’ch helpu gydag unrhyw ymholiadau a all fod gennych o gyngor ar gludiant a chyllid, i ganfod y gefnogaeth gywir i chi fanteisio i’r eithaf ar eich astudiaethau.
Tîm Anghenion Dysgu Ychwanegol (ADY) Mae ein Tîm Anghenion Dysgu Ychwanegol yn cynnig help a chymorth i unrhyw fyfyriwr sydd ag angen dysgu ychwanegol. Mae hyn yn cynnwys cefnogaeth gyda dyslecsia, colli golwg neu glyw, technoleg gynorthwyol a chymorth yn yr ystafell ddosbarth.
Tîm Llesiant Myfyrwyr
Gall ein Tîm Llesiant Myfyrwyr eich cefnogi gyda phob agwedd o lesiant, o aros yn gorfforol heini i drin eich arian, neu wella eich iechyd meddwl.
Cyfleoedd
Cyfleoedd yw’r hyb gyrfaoedd yng Ngholeg Penybont. Gall y tîm eich helpu i ymchwilio cyfleoedd gyrfa i gyflawni, datblygu a sicrhau swydd gyflogedig ystyrlon.
Tiwtoriaid cwrs Yn ogystal â’n timau cefnogi, gallwch siarad gyda tiwtoriaid cyrsiau yn ein Digwyddiadau Agored i ganfod mwy am ein cyrsiau.
