Cyfrifon Dysgu Personol

Mae Cyfrifon Dysgu Personol yn rhaglen a gyllidir gan Lywodraeth Cymru sy’n galluogi’r rhai sy’n ateb y meini prawf i gael mynediad i gyrsiau a chymwysterau proffesiynol am ddim sy’n datblygu sgiliau ac yn eu helpu i sicrhau cynnydd neu newid eu gyrfa.

Mae’r cyrsiau yn darparu’r sgiliau a’r cymwysterau y mae cyflogwyr lleol yn edrych amdanynt. Maent yn canolbwyntio ar sectorau sy’n tyfu yn y rhanbarth a lle mae angen pobl gyda’r sgiliau hyn. Wedi’u cynllunio i fod yn hyblyg a gweithio o’ch amgylch chi a’ch ymrwymiadau, y nod ar ddiwedd y cwrs a astudiwch yw y bydd swyddi ar gyflog da i chi wneud cais amdanynt.

Meini prawf cymhwyster ar gyfer cyrsiau Cyfrifon Dysgu Personol

Cymhwystra Unigol

• Mae cymhwystra’n cael ei brofi adeg ymgeisio (ac eithrio’r maen prawf oedran, sy’n cael ei ddilysu adeg dechrau’r cwrs)

I fod yn gymwys ar gyfer y rhaglen, mae’n rhaid i unigolion fodloni’r canlynol:

• Byw yng Nghymru a bod yn 19 oed neu’n hŷn

Yn ogystal, mae’n rhaid i unigolion fodloni o leiaf un o’r meini prawf canlynol:

• Bod yn gyflogedig (gan gynnwys hunangyflogedig) ac yn ennill llai na’r incwm canolrifol (£34,303), neu
• Yn weithiwr ar gontract dim oriau, neu
• Yn aelod o staff asiantaeth, neu
• Yn droseddwr ar ryddhad dydd, neu
• Yn ofalwr llawn amser (â thâl neu’n ddi-dâl), os oes lle ar gyrsiau presennol (h.y. mewnlenwi)

Ni fydd unigolion yn gymwys os bydd unrhyw un o’r canlynol yn berthnasol iddynt pan fyddant yn gwneud cais:

• Dan 19 oed (the age of 19 (cafeat uchod), neu
• Yn mynychu ysgol neu goleg yn llawn amser fel disgybl neu fyfyriwr, neu Mewn addysg uwch llawn amser, neu
• Mewn Dysgu Seiliedig ar Waith a ariennir gan Lywodraeth Cymru*, neu
• Yn wladolyn tramor anghymwys, neu
• Yn derbyn Grant Dysgu’r Cynulliad neu Lwfans Cynhaliaeth Addysg, neu
• Yn ddi-waith ( h.y. heb gontract cyflogaeth)

*gall rhai eithriadau fod yn berthnasol ar gyfer Sero Net, lle mae Llywodraeth Cymru wedi rhoi cymeradwyaeth ysgrifenedig ymlaen llaw

Er y gallech fod yn gymwys am gyllid ar gyfer mwy nag un cwrs Cyfrif Dysgu Personol, dim ond un cais fesul person y gallwn ei dderbyn ar y tro. Os yw cais yn llwyddiannus am gwrs, mae’n rhaid i chi orffen y cwrs hwn cyn dechrau cwrs arall.

Os ydych yn ansicr pa gwrs fyddai fwyaf addas i chi, neu os hoffech gyngor ac arweiniad ar ddatblygu eich gyrfa, gallwch drefnu i siarad gydag un o’n Hyfforddwyr Gyrfa arbenigol. Y cyfan sy’n rhaid i chi wneud yw llenwi ein ffurflen ymholiad a bydd un o’n Hyfforddwyr Gyrfa yn cysylltu â chi.