Amdanom ni
Mae Coleg Penybont yn Goleg Addysg Bellach sy’n cefnogi mwy na 7,500 o fyfyrwyr ac yn cyflogi dros 750 aelod o staff ar draws ein pedwar campws ym Mhen-y-bont, Pencoed, Heol y Frenhines a Maesteg.
O ddechreuadau bach yn 1923, rydym wedi tyfu i ddod yn ddarparydd addysg mawr a chyflogwr pwysig yn yr ardal, gan gynnig dewis eang o gyrsiau mewn nifer o feysydd galwedigaethol a lefelau.
Mae ein cyrsiau yn amrywio o TGAU i Raddau Anrhydedd a chynigiwn gyfleoedd astudiaeth rhan-amser a llawn-amser, yn ogystal â chyrsiau byr hobi a hamdden drwy ein Coleg Cymunedol. Cynigiwn bortffolio o raglenni addysg uwch, gan weithio mewn partneriaeth gyda Phrifysgol Fetropolitan Caerdydd ac fel partner sy’n cydweithio gyda Phrifysgol De Cymru. Rydym hefyd yn cynnig cyrsiau addysg uwch a ddyfernir gan Pearson a CPCAB.
Gweithiwn yn agos gyda busnesau a chyflogwyr. Rydym eisiau i fusnesau ffynnu mewn economi leol ffyniannus a chydnerth, a medru cael mynediad i lif talent ansawdd uchel ar garreg eu drws. Gall ein hyfforddiant pwrpasol a chyfleoedd hyblyg helpu sefydliadau i hybu llwyddiant economaidd a sicrhau twf.
Ein gweledigaeth a gwerthoedd
Mae ein cenhadaeth yn syml – byddwch yn bopeth y gallwch fod. Byddwch yn chi.
Caiff ein gwerthoedd eu cyfnerthu ledled cymuned y coleg. Mae pob aelod o staff, dysgwr a phartner yn byw ac anadlu’r gwerthoedd creiddiol dilynol sy’n ffurfio pob agwedd o fywyd y Coleg:
- Canolbwyntio ar bobl
- Ysbrydoli
- Angerddol
- Arloesol
- Chwaraewr tîm
- Cynhwysol
Fel rhan o Addewid ein Rhaglen Ddysgu, rydym yn ymroddedig i ddatblygu sgiliau galwedigaethol a chreiddiol ein myfyrwyr, yn ogystal â’u helpu i wella eu twf a datblygiad personol. Yn ôl am hynny, gofynnwn i fyfyrwyr gytuno â’n Cod Dinasyddiaeth Myfyrwyr i gyflawni ein hymddygiad dysgu:
- Bod yn Barod
- Dangos Parch
- Bod yn Ddiogel
Mae ein myfyrwyr yn rhan o gymuned ddeinamig, amrywiol a chreadigol sy’n coleddu ein gwerthoedd dysgu.
Darllenwch fwy am ein gweledigaeth a gwerthoedd sy’n llywio Coleg Penybont ar gyfer ein dysgwyr a staff.
