Mae Tystysgrif Her Sgiliau Uwch yn rhan o Fagloriaeth Cymru ac fe fydd yn eich helpu i ddatblygu sgiliau, priodoleddau ac ymddygiadau mwy cymhleth gan eich galluogi i fod yn fwy parod ar gyfer eich cyrchfan yn y dyfodol, p’un ai’r brifysgol, hyfforddiant pellach neu gyflogaeth yw hynny.
Bydd y Dystysgrif yn eich galluogi i ‘gynllunio, gwneud ac adolygu’ wrth i chi ennill a chymhwyso ystod o sgiliau trosglwyddadwy mewn gwahanol leoliadau a chyd-destunau gan gynnwys cynllunio a chyflawni gweithgareddau ac adolygu canlyniadau yn ogystal â’ch cynnydd a’ch datblygiad eich hun.
Bydd Tystysgrif Her Sgiliau yn eich helpu i ddatblygu ystod fawr o sgiliau craidd:
50% o’r cwrs
Dyma’ch cyfle i ddewis pwnc sy’n gymhleth ei natur, sy’n eich ysbrydoli ac a all fod o fudd i geisiadau a chyfweliadau yn y dyfodol. Byddwch yn archwilio pwnc mewn mwy o fanylder nag a wneir mewn meysydd astudio eraill. Bydd gwneud ymchwil amlochrog yn datblygu eich dealltwriaeth o’r pwnc ymhellach ac yn eich galluogi i ddod i gasgliad sy’n seiliedig ar dystiolaeth.
20% o’r cwrs
Bydd yr her hon yn eich galluogi i archwilio cyfleoedd, creu syniadau gwreiddiol a chyflawni canlyniadau realistig i wella eich sgiliau menter wrth gael blas ar y byd gwaith. Byddwch yn llunio eich llwybr at gyflogaeth a byw’n annibynnol drwy ddod yn fwy hunanymwybodol gan nodi ‘ble ydw i nawr, ble ydw i eisiau bod, a sut ydw i’n cyrraedd yno?’
15% o’r cwrs
Yn yr her hon, bydd angen i chi ddewis cymuned leol, genedlaethol neu ryngwladol yr hoffech ei chefnogi am 30 awr dros gyfnod o 4 wythnos o leiaf. Bydd rhaid i’ch gweithgaredd cymunedol fod o fudd i’r gymuned a gallwch ddewis un o lawer o opsiynau i wneud hyn.
15% o’r cwrs
Mae’r her hon yn eich galluogi i ddeall problemau cymhleth y mae’r byd yn eu hwynebu, gan gymhwyso a dyfnhau eich gwybodaeth trwy ystyried ffeithiau, syniadau a barnau. Mynegwch eich syniadau trwy lunio a chyflwyno’ch datrysiad i gynulleidfa.
Defnyddir Pwyntiau Tariff UCAS i drosi eich cymwysterau a’ch graddau yn werth rhifiadol. Mae gan lawer o gymwysterau werth Tariff UCAS, a bydd y rhain yn amrywio yn dibynnu ar faint y cymhwyster ac ar y radd a gewch.
Sut maen nhw’n cael eu defnyddio?
Mae rhai prifysgolion a cholegau yn cyfeirio at bwyntiau Tariff UCAS yng ngofynion mynediad eu cyrsiau, ond nid yw hyn yn golygu na fyddant yn ystyried cymwysterau nad ydynt yn ymddangos ar y Tariff. Gwnewch yn siŵr eich bod yn gwirio gofynion mynediad y cwrs yn ofalus!
Bydd pob un o brifysgolion Cymru yn cynnwys y Dystysgrif Her Sgiliau Uwch yn eu cynigion!
Mae’r pwyntiau UCAS canlynol yn berthnasol i’r Dystysgrif Her Sgiliau Uwch:
Gradd THS Uwch | Pwyntiau Tariff UCAS |
---|---|
A* | 56 |
A | 48 |
B | 40 |
C | 32 |
D | 24 |
E | 16 |
“Mae Prifysgol Caerdydd yn derbyn Tystysgrif Her Sgiliau Uwch Bagloriaeth Cymru ar gyfer mynediad i bob un o’i rhaglenni gradd israddedig a bydd Diploma Bagloriaeth Cymru Craidd yn cael ei ystyried yn gyfwerth â Safon Uwch.”
“Mae Tystysgrif Her Sgiliau (Bagloriaeth Cymru) yn anarferol fel cymhwyster y mae ei gynnwys yn cael ei arwain i raddau helaeth gan y myfyrwyr eu hunain. Rydym yn gwerthfawrogi’n fawr yr hunan-gymhelliant, y chwilfrydedd a’r meddwl annibynnol y mae’r dull hwn o ddysgu yn eu datblygu. Rydym yn chwilio am nodweddion hyn, ynghyd â thair Safon Uwch rhagorol, mewn prifysgolion cystadleuol fel Rhydychen.”
Rydym yn croesawu ceisiadau sy’n cynnig Tystysgrif Her Sgiliau Uwch (Bagloriaeth Cymru), ac yn cydnabod y sgiliau gwerthfawr a ddatblygir wrth astudio ar gyfer y cymhwyster yma.
(*) yn nodi meysydd gofynnol