Teithio i Goleg Penybont
Mae gennym dri champws ym Mwrdeistref Sirol Pen-y-bont ar Ogwr, sef Pen-y-bont ar Ogwr, Pencoed a Heol y Frenhines, sydd i gyd yn hygyrch ar drafnidiaeth gyhoeddus.
Os ydych chi’n byw yn Rhondda Cynon Taf ac yn astudio yng Ngholeg Penybont, llenwch y ffurflen hon i’ch galluogi chi i gael cludiant. Os oes unrhyw gwestiynau gennych, cysylltwch â’n tîm Gwasanaethau Myfyrwyr.
Teithio i’r Coleg ar fws
Os oes angen tocyn bws arnoch a ddarperir gan Goleg Penybont am gyfraniad tymhorol o £75.00, cwblhewch y ddolen isod i dderbyn eich Fy Ngherdyn Teithio. Ni allwn roi eich tocyn bws i chi os na fyddwch yn cwblhau’r cam hwn.
Gwnewch gais am Fy Ngherdyn Teithio
Bydd ein cynlluniwr teithiau defnyddiol yn eich helpu chi i gynllunio eich taith i Goleg Penybont ar un o’n bysiau contract.
Teithio i’r Coleg ar y trên
Mae’n rhwydd cyrraedd campysau Maesteg, Penybont a Phencoed ar y trên. Dyma rai dolenni defnyddio i brynu cerdyn rheilffordd:
Teithio cynaliadwy
Rydym eisiau hyrwyddo’r ffyrdd mwyaf cynaliadwy o deithio i’r Coleg ar gyfer myfyrwyr, staff ac ymwelwyr. Drwy ddefnyddio opsiwn teithio cynaliadwy, gallwn i gyd chwarae ein rhan yn gostwng yr effaith yr amgylchedd. Mae llawer o ffyrdd y gallwch helpu, drwy:
Seiclo – Mae gennym leoedd ar ein campysau i gadw eich beic yn ddiogel os ydych eisiau seiclo i’r Coleg. Bydd seiclo i’r Coleg yn eich helpu i gadw’n heini tra byddwn yn helpu’r blaned. Gallwch chi gynllunio’ch llwybr gan ddefnyddio Traveline Cymru neu archwilio llwybrau ac awgrymiadau diogelwch gan Sustrans.
Cerdded – Os ydych yn byw’n ddigon agos at eich campws, gall cerdded fod yn wych ar gyfer eich lles corfforol a meddwl, yn ogystal â’r amgylchedd
Rhannu car – Os ydych yn byw’n agos at fyfyriwr neu gydweithiwr, gall hyn helpu i ostwng eich costau teithio, yn ogystal â’ch ôl-troed carbon. Os ydych chi’n bwriadu gyrru i’r Coleg, bydd angen tocyn parcio arnoch, sy’n cael ei roi am ddim ar hyn o bryd. Gallwch chi gofrestru manylion cofrestru eich cerbyd a chael tocyn pan fyddwch chi’n cofrestru.
Defnyddio trafnidiaeth gyhoeddus – Mae defnyddio trafnidiaeth gyhoeddus yn gostwng nifer y cerbydau sydd ar y ffordd gan roi amser ychwanegol i astudio neu ymlacio ar y ffordd i’r coleg.
Mae gennym Gynllun Teithio Gwyrdd sy’n hyrwyddo dulliau cynaliadwy o drafnidiaeth yn ogystal â defnyddio technoleg ddigidol i ddileu neu ostwng yr angen am deithio. Yn ogystal â bod â buddion amgylcheddol, gall hyn gael effaith gadarnhaol ar iechyd a llesiant.
Cwestiynau Cyffredin ar Gludiant
Mae angen i unrhyw un sy’n 21 oed neu’n iau ac sydd eisiau teithio ar wasanaeth bws a reolir gan y Coleg wneud cais am ‘Fy Nhocyn Teithio’. Nid oes angen i chi wneud cais os byddwch chi’n dewis teithio ar drên neu os ydych chi’n bwriadu teithio i’r coleg gan ddefnyddio eich dulliau eich hun.
Mae’r tocyn rhad ac am ddim yn darparu cymhorthdal teithio (gostyngiad pris) i gwmnïau bysiau, sy’n cael ei dalu’n uniongyrchol gan Lywodraeth Cymru. Mae hyn yn golygu bod cost gyffredinol tocyn bws yn cael ei leihau hyd at draean. Heb y tocyn am ddim, byddai cyfanswm cost teithio yn cynyddu.
Os dewiswch chi ddefnyddio llwybr bws a reolir gan y Coleg, rhaid i chi wneud cais am y tocyn rhad ac am ddim. Ni fydd myfyrwyr sydd heb y tocyn yn cael tocyn bws.
Yn dilyn ymgynghoriad cyhoeddus yn 2024, pleidleisiodd Aelodau Cabinet Cyngor Bwrdeistref Sirol Pen-y-bont ar Ogwr ar argymhelliad i ddileu’r ddarpariaeth cludiant am ddim o’r cartref i’r coleg ar gyfer y sector ôl-16. Yn flaenorol, roedd yr awdurdod lleol yn ariannu tocynnau bws i bobl ifanc 16-18 oed sy’n byw mwy na 3 milltir o’u campws astudio. Roedd hwn yn benderfyniad a wnaed gan yr awdurdod lleol, nid gan y Coleg.
Os nad ydych am deithio drwy un o wasanaethau a reolir gan y Coleg (tocyn bws neu docyn drên), nid oes angen i chi dalu’r cyfraniad teithio. Os dewiswch fanteisio ar y ddarpariaeth cludiant a reolir gan y Coleg, bydd angen i chi dalu £75 am bob tymor y mae angen tocyn arnoch (£225 ar gyfer y flwyddyn academaidd).
Gallwch naill ai dalu £75 cyn dechrau pob tymor (Awst / Rhagfyr / Ebrill) neu £225 pan fyddwch yn cofrestru gyntaf. Rhoddir tocynnau teithio bob tymor a byddant ond yn cael eu darparu i’r rhai sydd wedi talu eu cyfraniad teithio.
Oes, mae’n ofynnol i bob myfyriwr dalu’r ffi gweinyddu.
Oes, mae’n ofynnol i bob myfyriwr sydd angen tocyn teithio a roddir gan y Coleg dalu’r cyfraniad teithio
Oes. Byddem bob amser yn argymell bod myfyrwyr yn gwneud cais am y Lwfans Cynhaliaeth Addysg (LCA) os ydynt yn 16-18 oed. Mae’r trothwy incwm aelwydydd ar gyfer y lwfans hwn wedi’i adolygu’n ddiweddar, sy’n golygu bod mwy o fyfyrwyr yn gymwys i gael y cyllid. Gall myfyrwyr 19 oed neu hŷn fod yn gymwys i wneud cais am Grant Dysgu Llywodraeth Cymru (GDLlC).
If you are not eligible for either of these, you may be able to access support from the College’s Financial Contingency Fund (FCF).
You can find out more about all of these funds here
Oes, bydd yn ofynnol i bob dysgwr sy’n defnyddio’r ddarpariaeth teithio a reolir gan y coleg gwblhau cais. Efallai y byddwch hefyd yn gymwys i gael cymorth gyda phrydau am ddim, offer cwrs neu gostau gofal plant.
Ni allwch hawlio cost eich cyfraniad teithio yn ôl
Dim ond os nad yw’r tocyn teithio wedi’i actifadu y rhoddir ad-daliad. Unwaith y bydd tocyn wedi’i actifadu, ni roddir ad-daliadau.
Rhoddir pob tocyn teithio bob tymor, felly dim ond y cyfraniad teithio o £75 y bydd angen i chi ei dalu am bob tymor y mae angen tocyn arnoch
Gallwch. Mae ein gwasanaeth bws gwennol am ddim ar hyn o bryd i’n myfyrwyr Coleg, yn amodol ar ymddygiad priodol, fel yr amlinellir yn ein Cod Dinasyddiaeth Coleg. Mae bysiau’n gadael o Orsaf Fysiau Pen-y-bont ar Ogwr o 8.30yb tan 8.50yb ac yn dychwelyd o Gampws Pencoed ar ddiwedd y dydd, gan adael am 4.30yp.
Rhaid rhoi gwybod i Wasanaethau Myfyrwyr os ydych yn colli tocyn trên, a bydd angen talu £10 am un newydd. Chi sy’n gyfrifol am ariannu eich cludiant eich hun tra bod eich tocyn trên newydd yn cael ei ail-archebu. Sylwer mai dim ond un tocyn trên newydd y gallwn ei ddarparu.
Mae ein hopsiynau teithio ac unrhyw gyfraniad teithio myfyrwyr yn cael eu hadolygu’n flynyddol, ynghyd â’n polisi teithio myfyrwyr. Yn anffodus, ni allwn warantu opsiynau teithio na’r un cyfraniad teithio myfyrwyr bob blwyddyn, gan fod y ddwy elfen yn ddibynnol ar gwmnïau trafnidiaeth preifat/cyhoeddus, eu costau gweithredu a chynnydd chwyddiant. Byddwn bob amser yn ceisio cyhoeddi unrhyw newidiadau i’n darpariaeth teithio a chyfraniad teithio myfyrwyr cysylltiedig cyn gynted â phosibl cyn dechrau’r flwyddyn academaidd nesaf.
Ydych. Ym mlwyddyn academaidd 2025-26, bydd y Coleg yn cefnogi teithio i unrhyw fyfyriwr sy’n astudio rhaglen addysg bellach llawn amser. Bydd dal angen i chi dalu’r cyfraniad teithio (£75 y tymor / £225 am y flwyddyn academaidd ar hyn o bryd), er mwyn derbyn tocyn bws neu drên.
Os ydych wedi talu’r cyfraniad teithio, gallwch hawlio costau teithio os bydd oedi cyn i chi dderbyn eich tocyn teithio. Nid ydym yn cynnig yr opsiwn i hawlio costau teithio ar unrhyw adeg arall.
Mae’n ofynnol i fyfyrwyr sy’n byw yn RhCT wneud cais i Gyngor RhCT am gymorth gyda chludiant. Mae’n ofynnol i fyfyrwyr sydd wedi cael gwybod gan y cyngor nad ydynt yn gymwys i gael cludiant am ddim ac a hoffai dderbyn tocyn teithio gan y Coleg dalu’r cyfraniad teithio. Dylai pob myfyriwr sy’n byw ym Mwrdeistref Sirol Rhondda Cynon Taf lenwi’r ffurflen hon
