Prentisiaethau i gyflogwyr
Caiff prentisiaethau eu cynllunio o amgylch anghenion busnesau a gallant helpu i drawsnewid eich sefydliad.
Cânt eu hariannu’n llawn ac maent yn rhoi cyfle i fanteisio ar dalent newydd ffres drwy recriwtio aelod newydd o staff neu gynyddu sgiliau aelod presennol o staff. Drwy hyfforddi prentis gyda Choleg Penybont rydych yn helpu i ddatblygu llif talent i gefnogi eich sefydliad yn y dyfodol.
Gall prentis:
- Rhoi cyfleoedd i gyflymu twf busnes
- Gwella cynhyrchiant a gostwng costau busnes
- Meithrin talent i wella gwasanaethau
- Rhoi hwb creadigol i’ch busnes
Caiff ein rhaglenni prentisiaeth eu hariannu gan Gronfa Gymdeithasol Ewrop (ESF) drwy Lywodraeth Cymru.
Ein Prentisiaethau
Pam gweithio gyda Choleg Penybont?
Rydym wedi ennill gwobrau fel darparydd ac wedi bod yn hyfforddi prentisiaid ers dros 90 mlynedd. Rydym wedi helpu cannoedd o sefydliadau o wahanol feintiau ac mewn llawer o wahanol sectorau i ddatblygu eu gweithlu.
- Cynigiwn dros 35 llwybr prentisiaeth, o cyn-mynediad i Brentisiaethau Uwch (Lefel 4+)
- Rydym yn falch i fod wedi sicrhau cyfraddau cyrhaeddiad prentisiaeth sy’n sylweddol uwch na chyfartaleddau’r sector.
- Roeddem ar restr fer ‘Rhaglen Prentisiaeth y Flwyddyn’ yn 2019 a 2020 yng Ngwobrau Addysg Bellach Tes
- Enillodd prentisiaid Coleg Penybont wobrau ‘Prentis Cenedlaethol y Flwyddyn’ mewn gwahanol gategorïau prentisiaeth yng Ngwobrau Prentisiaeth Cymru rhwng 2015 a 2019
- Enillydd Rhanbarthol Darparydd Prentisiaeth y Flwyddyn yng Ngwobrau AAC 2018
- Roedd Rachel Lewis, ein tiwtor sgiliau, yn rownd derfynol gwobr ‘Tiwtor Dysgu Seiliedig ar Waith y Flwyddyn’ yng Ngwobrau Prentisiaeth Cymru yn 2019.
Bydd ein tîm profiadol a chefnogol yn eich helpu drwy gydol y daith prentisiaeth:
- Bydd gennych Swyddog Cydlynu Dysgu Seiliedig ar Waith i sicrhau fod y rhaglen prentisiaeth yn rhedeg yn llyfn
- Byddwch yn derbyn adborth rheolaidd a manwl ar gynnydd eich prentisiaeth ar bob elfen o’r fframwaith
Camau Nesaf
Mae’r sefydliadau y gweithiwn gyda nhw ar wahanol gamau o’u taith prentisiaeth – mae gan rai eisoes aelod presennol o staff yr hoffent iddynt fod ar y rhaglen prentisiaeth tra bod eraill yn awyddus i recriwtio aelod newydd o staff i ddod yn brentis. Rydym yma i’ch cefnogi bob cam o’r ffordd.
Gwyddom ei bod yn hanfodol cael prentis addas ar gyfer eich sefydliad. Os ydych angen helpu yn recriwtio prentis, byddwn yn trafod eich gofynion yn cynnwys:
- Ymchwilio eich nodau a blaenoriaethau yn y math o unigolion yr ydych yn edrych amdano
- Casglu’r holl wybodaeth angenrheidiol i dempled swydd.
- Trafod amrywiaeth o ddulliau ar gyfer hysbysebu eich swydd wag, yn cynnwys yn fewnol gyda’n dysgwyr ein hunain, amrywiaeth o wefannau swyddi, cyfryngau cymdeithasol ac ymestyn allan drwy ein rhwydwaith helaeth
- Cyfeirio ymgeiswyr addas atoch os ydynt yn cysylltu gyda ni
- Eich helpu i gysylltu gydag unigolion drwy alluogi cyfleoedd i chi gyflawni neu hyrwyddo eich cyfleoedd iddynt wyneb yn wyneb.
Cysylltwch â’n tîm Gyrfaoedd yn Cyfleoedd os hoffech y cymorth hwn gennym.
Y cyfan sy’n rhaid i chi wneud os oes gennych aelod presennol o staff yr hoffech iddynt gynyddu eu sgiliau drwy brentisiaeth yw llenwi ein ffurflen gais ar-lein. Bydd ein Tîm Dysgu Seiliedig ar Waith yn adolygu eich cais.
Os ydych angen unrhyw help neu gymorth, cysylltwch â apprenticeship@bridgend.ac.uk neu ffonio 01656 302 302 estyniad 110 neu 727
Os gwyddoch am rywun sy’n barod i ddechrau eu taith prentisiaeth gyda ni, cysylltwch gyda ni heddiw: apprenticeship@bridgend.ac.uk neu ffonio 01656 302 302 estyniad 110 neu 727.
Cwestiynau Cyffredin
Mae prentisiaeth yn cyfuno swydd gyda hyfforddiant. Gellir eu defnyddio ar gyfer unrhyw un, faint bynnag o brofiad sydd ganddynt neu faint bynnag eu hoed, e.e. person ifanc yn ymadael â’r ysgol neu aelod presennol o staff.
Mae prentisiaethau yn galluogi unigolion i ddilyn rhaglen hyfforddiant strwythuredig sy’n cynnwys cymhwyster/cymwysterau proffesiynol a hyfforddiant ar y swydd. Maent yn darparu’r sgiliau, gwybodaeth a mathau ymddygiad perthnasol sydd eu hangen ar gyfer rôl swydd benodol.
Mae prentisiaethau yn ffordd y profwyd ei bod yn gweithio ar gyfer recriwtio staff newydd. Maent yn rhoi cyfle i ddatblygu talent newydd a chynyddu sgiliau talent presennol. Mae cyflogwyr sy’n recriwtio prentisiaethau yn aml yn sylwi ar ostyngiad mewn trosiant staff a chynnydd mewn teyrngarwch a bodlonrwydd gweithwyr.
Gallant hefyd fod yn ffordd ratach i recriwtio staff a gallant roi cyfle i’r prentis sicrhau cynnydd yn eu sgiliau a datblygu yn eu rôl.
Mae rhaglenni prentisiaeth yn ymestyn o lefel 2 – 7. Bwriedir i Lefelau 6 a 7 gyfateb i Radd Baglor neu Radd Meistr.
Mae hyd prentisiaethau yn amrywio yn dibynnu ar y brentisiaeth a ddewiswch a’r prentis a gyflogwch. Mae’n rhaid i brentisiaeth fod am o leiaf 12 mis. Gall rhai prentisiaethau lefel uwch neu lefel gradd redeg am hyd at 48 mis.
Gallant. O fis Ebrill 2017 bu cyllid ar gael i bob person graddedig faint bynnag eu profiad neu oedran. Mae’n rhaid i’r brentisiaeth fod yn sylweddol wahanol i’r cymwysterau sydd ganddynt eisoes fel bod sgiliau newydd yn cael eu dysgu.
Oes, mae’n rhaid i brentisiaid gael eu cyflogi mewn swydd go iawn. Cânt eu contractio i rôl gan y cyflogwyr a bydd angen iddynt weithio am o leiaf 30 awr yr wythnos.
Mae’n rhaid i’r contract prentisiaeth nodi’r dilynol: hyd y brentisiaeth, yr hyfforddiant a ddarperir, yr amodau gwaith a’r cymwysterau y bydd y prentis yn gweithio atynt. Mae’n rhaid i bob prentisiaeth gynnwys o leiaf 20% o amser hyfforddiant ‘ffwrdd o’r swydd’.
Glir, os yw’r brentisiaeth yn berthnasol i rôl eu swydd, yn addysgu rhywbeth newydd iddynt ac yn rhoi cynnydd gyrfa. Dim ond ar gyfer prentisiaethau sy’n berthnasol i rôl swydd yr unigolyn y mae cyllid ar gael.
Mae’n rhaid i’r prentis fedru dangos y sgiliau, gwybodaeth ac ymddygiad gofynnol a nodir yn y brentisiaeth.
Oes, mae cyfleoedd ar gael i ganiatáu i staff rhan-amser gymryd rhan mewn prentisiaeth. Fodd bynnag, bydd yn cymryd yn sylweddol hirach i brentis rhan-amser i gwblhau’r brentisiaeth.
Os yw prentis yn mynd ar gyfnod mamolaeth, tadolaeth neu absenoldeb salwch hir-dymor yn ystod prentisiaeth, gellir atal y brentisiaeth a bydd yn parhau ar ôl i’r prentis ddychwelyd i’r gwaith.
Faint ddylai prentisiaid gael eu talu? Caiff cyflog ei dalu i bob prentis a bydd hyn yn amrywio yn dibynnu ar rôl y swydd. Mae’n rhaid i’r cyflogwr gydymffurfio â deddfwriaeth isafswm cyflog cenedlaethol (yr isafswm cyflog presennol ar gyfer prentisiaeth yw £4.30 yr awr).
Mae’n rhaid talu’r isafswm cyflog ar gyfer eu categori oedran i brentisiaid dros 19 oed. Dylid nodi fod prentisiaethau lefel uwch yn derbyn yr isafswm cyflog cenedlaethol, ac nid isafswm cyflog prentisiaeth. Mae’n rhaid i brentisiaid gael cynnig yr un amodau â gweithwyr eraill sy’n gweithio ar raddau tebyg neu mewn swyddi tebyg, yn cynnwys gwyliau ar dâl, tâl salwch ac unrhyw fuddion a gynigiwch, e.e. cynlluniau taleb gofal plant, hyfforddi neu fentora ac yn y blaen.
Na; mater i bob cyflogwr yw teitlau swyddi, felly ni fydd yn rhaid i chi gynnwys ‘prentis’ yn nheitl y swydd.
Description for this block. Use this space for describing your block. Any text will do. Description for this block. You can use this space for describing your block.
Cefnogi’r Gymraeg
Caiff pob dysgwr sy’n astudio rhaglenni Prentisiaeth gyda Choleg Penybont gyfle i ddilyn eu hyfforddiant yn Gymraeg, naill ai yn gyfangwbl neu’n rhannol. Caiff dysgwyr eu cefnogi i gydnabod y Gymraeg fel sgil cyflogadwyedd allweddol a chânt wahanol gyfleoedd i ddatblygu eu defnydd o’r Gymraeg fel rhan o’u cwrs a thu allan i’w hastudiaethau.
Mae mwy o wybodaeth am sut y gallwn gefnogi dysgwyr sy’n siarad Cymraeg yma.
