Ein gweledigaeth a’n gwerthoedd
Mae ein cenhadaeth yn syml – byddwch yn bopeth y gallwch fod. Byddwch yn chi.
Mae Coleg Penybont yn lle arbennig i ddysgu a gweithio ynddo. Rydym eisiau creu amgylchedd cynhwysol sy’n galluogi pobl i fod yn arloesol ac angerddol am yr hyn a wnânt. Rydym eisiau creu cyfleoedd sy’n ysbrydoli ac yn trawsnewid bywydau a dathlu llwyddiannau pob unigolyn. Rydym yn ymroddedig i wneud penderfyniadau moesegol ac sy’n canolbwyntio ar yr unigolyn, ar gyfer pob unigolyn ac ym mhob cysylltiad.
Gwyddom mai’r safonau y cerddwn heibio iddynt yw’r safonau a dderbyniwn, felly drwy fod yn chwaraewr tîm sy’n ymroddedig i werthoedd ein sefydliad, gallwn sicrhau fod pawb yn barod i ddysgu a gweithio mewn amgylchedd lle cânt eu parchu a lle teimlant yn ddiogel, i fod yn bopeth y gallant fod.
Ein Gwerthoedd
Caiff ein gwerthoedd eu cyfnerthu ym mhob rhan o gymuned y Coleg. Mae pob aelod o staff, dysgwr a phartner yn byw ac anadlu ein gwerthoedd craidd sy’n rhan o bob agwedd o fywyd y coleg.
Canolbwyntio ar bobl
Rydym yn wirioneddol gredu fod pob aelod o staff, pob dysgwr a phob cysylltiad yn cyfrif. Oherwydd hynny, credwn y dylai pob un ohonom gymryd cyfrifoldeb am ein gweithredoedd, felly os nad yw rhywbeth yn teimlo’n iawn, rydym yn gwerthfawrogi’r cyfle i gael sgyrsiau onest fel ein bod yn gwella ac yn datblygu drwy’r amser. Cofiwch, rydym yn gwasanaethu’r rhai yr ydym yn eu harwain, ac felly dylem bob amser ddangos ymddygiad cadarnhaol i ddatblygu ymddiriedaeth.
Arloesol
Rydym yn arloeswyr, ac felly, anelwn arwain y sector wrth weithredu newid cadarnhaol. Serch hynny mae’n bwysig parhau i fod mewn cysylltiad fel y gallwn, fel cymuned, gyflawni hyd yn oed fwy.
Ysbrydoli
Rydym bob amser yn anelu i fod yn flaengar a chynllunio ar gyfer y dyfodol, yn ogystal â delio gyda’r hyn sy’n digwydd o’n cwmpas.
Chwaraewr Tîm
Rydym bob amser yn sefyll gyda’n gilydd ac yn cefnogi’r penderfyniadau a wnawn. Rydym yn wirioneddol gefnogi pob person sy’n cerdded drwy ein drysau, ac yn gofyn am yr un gefnogaeth yn ôl.
Angerddol
Mae bob amser le i wella, felly dylai pob adborth gael ei groesawu. Pan fyddwn yn angerddol am yr hyn a wnawn, mae pob un ohonom ein hunain yn dod yn llysgennad brand.
Cynhwysol
Gall pob person wneud argraff, pa bynnag mor fawr neu fach y credant yw hynny. Felly, ein cyfrifoldeb yw creu amgylchedd o ymddiriedaeth lle mae pob person yn teimlo y gallant gyfrannu syniadau.
Ein Gweledigaeth
Bod yn rhagorol
Bydd Coleg Penybont yn sefydliad rhagorol, perfformiad uchel, sy’n ymroddedig i fanteision dysgu. Byddwn yn denu unigolion drwy feithrin diwylliant cynhwysol sy’n canolbwyntio ar yr unigolyn ac yn galluogi gan ganiatáu i bob unigolyn fod yn rhan o rywbeth arbennig, rhywbeth unigryw. Byddwn yn sefydliad moesegol sy’n gyson yn sicrhau rhagoriaeth ac yn rhagori drwy wneud y pethau syml yn wirioneddol dda ac yn dathlu llwyddiannau pob unigolyn.
Gydag angerdd ac arloesedd, byddwn yn arwain y ffordd wrth ddylanwadu a llunio addysg a hyfforddiant. Byddwn yn edrych tu hwnt i’n sefydliad ein hun ac yn anelu i gydweithio gyda phartneriaid sydd â ffordd foesegol o feddwl, sydd hefyd yn rhannu ein huchelgais i arwain trawsnewid fydd yn gwella cyfleoedd bywyd ein dysgwyr, ein pobl a’n cymunedau. Byddwn yn datblygu dinasyddion byd-eang creadigol a hapus y dyfodol y mae ein byd, ein diwylliant a’n gilydd yn bwysig iddynt.
|
|
Lawrlwytho Cynllun Strategol 2020-2025
|
