Y Gymraeg
Rydym yn ymroddedig i alluogi’r defnydd o’r Gymraeg a dathlu ein diwylliant a threftadaeth. Mae’r coleg yn cydnabod ei ddyletswyddau pwysig dan Safonau’r Gymraeg a’r hawliau y maent yn eu rhoi i’n myfyrwyr, staff a’r rhai sy’n derbyn gwasanaethau gan y coleg.
Mewn cydweithrediad â’r Coleg Cymraeg Cenedlaethol, mae Coleg Penybont wedi sefydlu Tîm Cymraeg i gefnogi myfyrwyr o fewn meysydd blaenoriaeth, gan gynnwys Gofal Plant, Iechyd a Gofal Cymdeithasol, Gwasanaethau Cyhoeddus, Chwaraeon, Astudiaethau’r Tir a’r Diwydiannau Creadigol. Mae Tîm y Gymraeg yn gallu gweithio gyda myfyrwyr ar sail 1:1 i sicrhau bod y myfyrwyr hynny sydd eisoes wedi derbyn addysg cyfrwng Cymraeg yn gallu parhau i ddefnyddio eu sgiliau Cymraeg. Mae Tîm y Gymraeg hefyd yn gallu cefnogi myfyrwyr sydd wedi dysgu Cymraeg mewn ysgolion cyfrwng Saesneg i gymhwyso gwybodaeth flaenorol mewn cyd-destun galwedigaethol e.e. bydd myfyrwyr Gofal Plant yn dysgu geiriau ac ymadroddion allweddol yn unol â’r ‘Cwricwlwm i Gymru’ newydd.
Mae digwyddiadau ar draws y coleg yn amrywio o ddathlu achlysuron tebyg i Ddiwrnod Shwmae, Dydd Santes Dwynwen a Dydd Gŵyl Dewi i’r Clwb Brecwast a’r Clwb Cinio – cyfle i gwrdd â myfyrwyr eraill a staff sy’n siarad Cymraeg, neu sy’n dysgu’r iaith. Mae hefyd gyfle i ennill cymwysterau ychwanegol yn y Gymraeg.
Os hoffech gynnal neu ddatblygu eich sgiliau Cymraeg, siaradwch â thiwtor eich cwrs neu cysylltwch â Thîm y Gymraeg drwy anfon e-bost at cymraeg@bridgend.ac.uk
Dysgu Cymraeg
Mae Dysgu Cymraeg Morgannwg, sydd wedi’u lleoli ym Mhrifysgol De Cymru, yn cyflwyno cyrsiau ar-lein ac yn lleol ym Merthyr Tudful, Rhondda Cynon Taf a Phen-y-bont ar Ogwr ar ran y Ganolfan Dysgu Cymraeg Genedlaethol. Os hoffech chi ddysgu neu wella eich Cymraeg, fe all Dysgu Cymraeg Morgannwg helpu. Gydag amrywiaeth o gyrsiau ar gael, rydych chi’n siŵr o ddod o hyd i rywbeth sy’n eich siwtio chi.
Noder fod rhai cyrsiau Dysgu Cymraeg yn cael eu cynnal ar ein campysau ym Mhen-y-bont ar Ogwr a Pen-coed. Bydd angen i chi gysylltu â Dysgu Cymraeg yn uniongyrchol am ragor o wybodaeth:
learnwelsh.cymru
Prifysgol De Cymru
Trefforest
Pontypridd
CF37 1DL
learnwelsh@southwales.ac.uk
01443 483600
Ein hymrwymiad i gydymffurfio â safonau’r Gymraeg
Yn unol gyda Safonau’r Gymraeg, rydym yn ymroddedig i roi mynediad cyfartal i wasanaethau a phrofiadau yng Ngholeg Penybont i staff, myfyrwyr ac ymwelwyr sy’n siarad Cymraeg.
|
|
Darllen mwy am ein hymrwymiad i sicrhau ein bod yn cydymffurfio â Safonau’r Gymraeg.
|
|
|
Darllen Adroddiad Cydymffurfiaeth â Safonau’r Gymraeg 2023-2024
|
|
|
Darllen ein Hysbysiad Cydymffurfio
|
Gwnawn ein gorau i gydymffurfio gyda holl Safonau’r Gymraeg ac i ddarparu gwasanaeth cynhwysfawr i unrhyw un sy’n dewis cyfathrebu gyda ni neu ddefnyddio ein gwasanaethau drwy gyfrwng y Gymraeg.
Mae’n bwysig eich bod yn gadael i ni wybod os teimlwch nad ydym wedi medru rhoi’r gwasanaeth yn y Gymraeg y byddech yn ei ddisgwyl, fel y nodir o fewn y safonau, fel y gallwn gymryd camau i unioni pethau.
|
|
Cwynion
|
