Dirprwy Bennaeth yn ennill Aur yng Ngwobr Addysgwr Eithriadol y WFCP
02/02/2023Yn dilyn cyhoeddiad y Canllaw Arfer Gorau a lansiwyd yn ddiweddar gan Ffederasiwn Colegau a Pholytechnigau’r Byd (WFCP), rydym yn dathlu bod ein Dirprwy Bennaeth wedi ennill y wobr aur.
Cyflwynwyd y Wobr Aur Rhagoriaeth ar gyfer ‘Addysgwr Eithriadol’ i Viv Buckley fis Mehefin diwethaf, wrth iddi hawlio’r teitl o blith rhestr o gystadleuwyr rhyngwladol uchel eu parch. Mae Gwobrau Rhagoriaeth WFCP yn cydnabod y sefydliadau sy’n dangos arloesedd ac ymatebolrwydd yn y sector Addysg Bellach a’r unigolion sy’n cyfrannu at eu gweledigaeth. Darllenwch y canllaw lawn o’r gwobrau a’r enillwyr.
Mae Viv wedi cael ei chydnabod am ei chyfraniad i’r sector Addysg Bellach, ei chyflawniadau fel ymarferydd addysgol a’i hymrwymiad i gydraddoldeb, amrywiaeth a chynhwysiant ar raddfa fyd-eang.
Dywedodd y Pennaeth a Phrif Weithredwr, Simon Pirotte:
“Mae Viv yn ymarferydd ac yn arweinydd eithriadol ac mae’r wobr hon yn dyst i hynny. Mae Viv yn ysbrydoli cydweithwyr a dysgwyr yn ddyddiol, ac rwy wrth fy modd ei bod wedi cael ei chydnabod yn rhyngwladol gyda’r wobr wirioneddol ragorol hon. Llongyfarchiadau, Viv!”
Mae Viv wedi gweithio yn y maes Addysg Bellach am yr 20 mlynedd diwethaf, ar ôl dechrau ei gyrfa fel athrawes. Bellach yn Ddirprwy Bennaeth yng Ngholeg Penybont, mae Viv wedi sbarduno taith y Coleg i fod yn un o sefydliadau AB gorau’r Deyrnas Unedig.
Wrth fyfyrio ar ei chyflawniadau a’i hethos gwaith, dywedodd Viv:
“Byddwch yn ddewr ac yn feiddgar. Rhowch gynnig ar bethau newydd ac os nad ydyn nhw’n gweithio, ceisiwch eto! Gyda’r tîm cywir o’ch cwmpas, gallwch chi wir wneud gwahaniaeth a chael effaith. Gosodwch y bar yn uchel – ni fyddwch bob amser yn ei gyrraedd ond bydd anelu am ragoriaeth bob amser yn arwain at lwyddiant, neu o leiaf yn brofiad gwerth chweil y gall pawb ddysgu ohono.”
Yn 2018, enillodd Viv Uwch-gymrodoriaeth ‘Advanced Higher Education’ i gydnabod ei gallu i gyflawni newid a hwyluso gwelliannau yn y sector AB. Mae hi hefyd wedi bod yn rhan o raglen ‘Arwain Cymru’ Llywodraeth Cymru, a ddarperir ar y cyd â Chymdeithas y Colegau a Cholegau Cymru. Mae Colegau Cymru yn aelod o WFCP ac wedi ymrwymo i ddatblygu cysylltiadau sy’n helpu’r sector i ffynnu, yn genedlaethol ac yn rhyngwladol. I ddysgu mwy am y WFCP, ewch i wfcp.org/about
