Penodi Cadeirydd newydd i’r Corff Llywodraethu
25/08/2026Rydym wrth ein bodd yn cyhoeddi penodiad Tomos Owen yn Gadeirydd newydd ein Corff Llywodraethu.
Mae Tomos wedi gwasanaethu fel aelod o’r Corff Llywodraethu ers mis Chwefror 2025 ac mae bellach yn Gadeirydd. Ar hyn o bryd, ef yw Dirprwy Brif Weithredwr Oasis, elusen yng Nghaerdydd sy’n cefnogi ffoaduriaid a cheiswyr lloches ledled Caerdydd a De Cymru. Mae Tomos hefyd yn Ymddiriedolwr o’r Sefydliad Bevan, mae wedi gwneud y rôl hon ers Gorffennaf 2024.
Gyda chefndir yn y gyfraith, mae Tomos wedi treulio llawer o’i yrfa yn gweithio yn y trydydd sector, gan hyrwyddo cydraddoldeb, cynhwysiant a hawliau dynol. Mae’n dod ag ymrwymiad cryf i greu cyfleoedd i eraill, gan adlewyrchu’r gwerthoedd sydd wrth wraidd Coleg Penybont.
Bydd Tomos yn ymgymryd â’r rôl hon yn dilyn ymddiswyddiad Emma Adamson o rôl y Cadeirydd.
“Mae’n anrhydedd i mi gael fy mhenodi’n Gadeirydd Corff Llywodraethu Coleg Penybont. Ar ôl gwasanaethu fel llywodraethwr am y 18 mis diwethaf, rydw i wedi gweld yn uniongyrchol ymroddiad y staff a’r effaith gadarnhaol y mae’r Coleg yn ei chael ar ddysgwyr a’r gymuned ehangach. Edrychaf ymlaen at weithio gyda’n Llywodraethwyr a’n cydweithwyr ar draws y Coleg.”
Tomos Owen, Cadeirydd newydd Corff Llywodraethu Coleg Penybont
“Rydym wrth ein bodd yn croesawu Tomos yn Gadeirydd ein Corff Llywodraethu. Gan ei fod eisoes wedi gwasanaethu fel llywodraethwr, mae ganddo ddealltwriaeth gref o’r Coleg, ein gwerthoedd a’n huchelgeisiau. Mae ei angerdd dros gydraddoldeb, cynhwysiant a chreu cyfleoedd i eraill yn adlewyrchu ein gwerthoedd ein hunain, ac edrychaf ymlaen at barhau i weithio gydag ef wrth i ni adeiladu a chyflawni’r gorau oll i’n myfyrwyr, ein staff a’n cymunedau.”
Viv Buckley, Pennaeth a Phrif Weithredwr Coleg Penybont
