Meithrinfa Ddydd yng Ngholeg Penybont yn cael ei chydnabod fel un o’r goreuon yng Nghymru
16/06/2023Am y bedwaredd flwyddyn yn olynol, mae Meithrinfa Ddydd y Coleg wedi’i henwi’n un o’r 20 meithrinfeydd gorau yng Nghymru gan Wobrau Meithrinfeydd 2023. Gwelwch y rhestr lawn o feithrinfeydd gorau.
Mae’r gwobrau blynyddol yn cydnabod y meithrinfeydd o’r radd flaenaf o bob rhanbarth o’r DU yn seiliedig ar adolygiadau rhieni a gofalwyr annibynnol. Er nad oes safle o fewn y categorïau, mae ymddangosiad rheolaidd Meithrinfa Ddydd y Coleg yn siarad cyfrolau am lefel y gofal, y cynhesrwydd a’r diogelwch a gynigir ganddynt.
“Rydym wrth ein bodd i gael ein graddio fel “20 meithrinfa ddydd Uchaf” i gydnabod y gofal plant rhagorol a ddarperir gan ein tîm gwych o nyrsys meithrin yma yng Ngholeg Penybont.
Rydym yn hynod falch o’r wobr hon gan ei bod yn seiliedig ar adborth gonest a dilys a roddwyd gan rieni a gofalwyr. Diolch yn fawr iawn i’n cleientiaid am gymryd yr amser i adael adolygiad!”
Lisa Dobbs, Rheolwr Meithrin a Chynllun Chwarae yng Ngholeg Penybont
Ar ôl agor ei drysau am y tro cyntaf yn 1992, mae’r Feithrinfa Ddydd sydd wedi’i lleoli ar Gampws Penybont yn ymfalchïo mewn darparu amgylchedd hapus ac ysgogol i blant rhwng chwe wythnos a phum mlwydd oed.
Mae’r feithrinfa bwrpasol yn cynnwys pum ystafell, sy’n darparu ystod o weithgareddau trochi ar gyfer gwahanol gamau datblygiad babanod, plant bach a chyn-ysgol. Mae’r rhain yn helpu i hybu lles a chyfathrebu tra’n datblygu hyder mewn amgylchedd ysgogol a meithringar. I ddysgu mwy, ewch i wefan Meithrinfa Ddydd Coleg Penybont.
“Mae tîm Meithrinfa Ddydd Coleg Penybont yn wych! Mae’r wobr hon yn haeddiannol iawn ac yn dyst i’r amgylchedd gofal a dysgu gwych y maent yn ei ddarparu. Roedd fy nau o blant wrth eu bodd yn rhan o’r feithrinfa, ac yn awr yn mwynhau mynychu eu cynllun chwarae yn ystod gwyliau’r ysgol.”
Helen, rhiant ac adolygydd
