Penodi Jeff Greenidge yn Gadeirydd newydd y Corff Llywodraethu
14/12/2021Rydym yn falch i gyhoeddi y cafodd Jeff Greenidge ei benodi’n ddiweddar i fod yn Gadeirydd y Corff Llywodraethu yng Ngholeg Penybont. Mae Jeff yn athro, hyfforddydd a mentor arweinyddiaeth profiadol sydd wedi gweithio ar draws y sector addysg a hyfforddiant ers nifer o flynyddoedd.
Gyda hanes o lwyddiant mewn perfformiad cyflenwi, bu Jeff yn cyflwyno ymgynghoriaeth a hyfforddiant gyda ffocws i sefydliadau sy’n anelu am gynhwysiant ac amrywiaeth. Fel aelod o fwrdd nifer o sefydliadau yn y sector cyhoeddus a’r sector cyhoeddus, yn cynnwys yr IEP (Sefydliad Gweithwyr Proffesiynol Cyflogadwyedd) ac Ymddiriedolaeth UFI Voch Tech, mae Jeff yn cefnogi sefydliadau i ffynnu drwy arweinyddiaeth gynhwysol i ddatblygu diwylliant sefydliadol cynhwysol ac amrywiol.
Yn fwyaf diweddar, caiff Jeff ei gyflogi ar y cyd fel Cyfarwyddwr Amrywiaeth gan y Sefydliad Addysg a Hyfforddiant (ETF) a’r Gymdeithas Colegau (AoC) ac mae’n gyfrifol am hybu cynlluniau i gynyddu amrywiaeth o fewn y gweithle Addysg Bellach, yn arbennig ar lefelau uwch a hyrwyddo ymarfer cynhwysol mewn colegau. Bydd cyfnod penodiad blwyddyn Jeff yn dod i ben yn y rôl hon ddiwedd mis Rhagfyr 2021.
Dywedodd Simon Pirotte, Pennaeth a Phrif Swyddog Gweithredol Coleg Penybont:
“Rydym yn falch iawn gyda phenodiad Jeff fel Cadeirydd. Yn dilyn cyfnod rhagorol Paul Croke yn y swydd, bydd Jeff yn adeiladu ar lwyddiannau’r gorffennol gyda chynlluniau cyffrous ac arloesol ar gyfer y dyfodol.”
Simon Pirotte
Mae Jeff yn olynu Paul Croke, a wasanaethodd yng Ngholeg Penybont am 8 mlynedd. Ymddeolodd John Finch, a’r llywodraethwyr Kathy Lewis hefyd ym mis Hydref 2021 ar ôl cyfnod hir ar y Corff Llywodraethu. Cafodd pob un ohonynt ddylanwad sylweddol ar y Coleg ac roeddent yn ganolog yn natblygiad Academi STEAM.
Hoffai Coleg Penybont hefyd groesawu Jeff fel Cadeirydd y Corff Llywodraethu a hefyd ddiolch i Paul, John a Kathy am eu cyfraniadau a gwasanaeth a dymuno’n dda iddynt ar gyfer y dyfodol.
