Esbonio Sgiliau
Fel rhan o’ch taith ddysgu yng Ngholeg Penybont, mae’n ofynnol i chi ddilyn rhaglen sgiliau.
Mae 4 llwybr gwahanol ar gael. Bydd y llwybr yn cael ei ddewis wrth gofrestru. Bydd y dewis yma’n adlewyrchu’r cwrs rydych chi’n gwneud cais amdano, y maes cwricwlwm a ddewiswyd gennych, yn ogystal â’ch dysgu blaenorol o ran Mathemateg a Saesneg.
Nod y cyrsiau hyn yw eich helpu i ddatblygu eich sgiliau Mathemateg a Saesneg er mwyn i chi gwblhau eich prif gymhwyster yn llwyddiannus ac ennill cymwysterau Mathemateg a/neu Saesneg ychwanegol, sydd fel arfer yn ofynnol wrth wneud cais am swyddi a chyrsiau addysg bellach.
Mae gwersi TGAU Mathemateg a Saesneg yn gyfle i ddysgwyr sydd wedi cael gradd D yn eu harholiadau neu i ddysgwyr sydd wedi dilyn cwrs ‘Maths Matters’/cyn-TGAU yn y coleg i weithio tuag at Radd C neu uwch. Mae gwersi TGAU Mathemateg/Saesneg yn ffurfio 2 awr o amserlenni myfyrwyr. Gwahoddir pob myfyriwr TGAU i sesiynau adolygu. Caiff y sesiynau adolygu eu cynnal ar y ddau gampws, naill ai wyneb yn wyneb neu ar-lein, a hynny yn ystod gwyliau’r Pasg a gwyliau hanner tymor mis Mai, yn ogystal ag ar y diwrnodau cyn yr arholiadau TGAU. Bydd lleoliad a dyddiadau’r sesiynau adolygu hyn yn cael eu rhannu â myfyrwyr yn ystod y flwyddyn. Dyddiadau Arholiadau TGAU Mathemateg 2025:
- Papur 1 (heb gyfrifiannell) – Bore Iau 15 Mai
- Papur 2 (gyda chyfrifiannell) – Bore Mercher 11 Mehefin
Dyddiadau Arholiadau TGAU Saesneg 2025: Uned 1 – gwaith cwrs (1 x cyflwyniad unigol a 1 x trafodaeth grŵp) i’w cwblhau erbyn diwedd mis Ionawr 2025, ac sy’n cyfri am 20% o’r radd gyfan. Uned 2 – Dydd Gwener 23 Mai 2025 Uned 3 – Dydd Gwener 6 Mehefin 2025
Mae’r rhaglen Lefel 1 un-flwyddyn hon ar gyfer dysgwyr nad ydynt wedi sefyll TGAU neu sydd wedi ennill gradd E-U mewn arholiadau TGAU Mathemateg neu Saesneg.
Bydd y cwrs hwn yn rhoi’r sgiliau a’r wybodaeth i ddysgwyr symud ymlaen i raglenni pellach yng Ngholeg Penybont e.e. TGAU neu opsiynau galwedigaethol Lefel 2. Un awr yr wythnos am y flwyddyn academaidd gyfan fydd y cwrs. Bydd dysgwyr naill ai’n dilyn cwrs Mathemateg neu Saesneg yn dibynnu ar y prif gwrs y maent yn ei astudio. Bydd y gwersi hyn yn meithrin sgiliau craidd dysgwyr mewn Saesneg neu Fathemateg ac yn darparu sylfaen o sgiliau a gwybodaeth i’w paratoi i sefyll arholiadau TGAU y flwyddyn ganlynol. Bydd dysgwyr, fel rhan o’r rhaglen hon, hefyd yn ymgymryd â chymhwyster City & Guilds cydnabyddedig ar lefel briodol naill ai mewn Cymhwyso Rhif neu Gyfathrebu.
Mae dysgwyr yn y coleg sy’n dilyn cwrs Lefel 1 neu sydd â gradd is na D ar lefel TGAU yn cael y cyfle i ddatblygu eu sgiliau Mathemateg a Saesneg. Mae’r cymwysterau City & Guilds achrededig hyn wedi’u bwriadu ar gyfer dysgwyr dros 16 oed mewn ystod eang o leoliadau, gan gynnwys:
- Colegau
- Prentisiaethau
- Hyfforddeiaethau
- deall data rhifiadol
- gwneud cyfrifiadau
- dehongli a chyflwyno canlyniadau a chanfyddiadau
- siarad a gwrando
- darllen
- ysgrifennu
- cyfrifoldeb digidol
- cynhyrchiant digidol
- llythrennedd gwybodaeth ddigidol
- cydweithio digidol
- creadigrwydd digidol
- dysgu digidol
Mae Astudiaethau Uwch ar gyfer y dysgwyr hynny sydd wedi llwyddo yn eu harholiadau TGAU Mathemateg a Saesneg. Mae’r sesiynau hyn yn rhoi cyfle i ddysgwyr archwilio ystod eang o gyrsiau o’r Brifysgol Agored ar lefel o’u dewis. Mae’n gyfle gwych i ddysgwyr ddilyn unrhyw bwnc ar y lefel sydd fwyaf addas ar eu cyfer. Mae’r sesiynau hyn yn hunangyfeiriedig ac nid oes ystafell wedi’i neilltuo ar eu cyfer, fodd bynnag, mae dysgwyr yn gallu defnyddio’r Hyb Sgiliau. Anogir dysgwyr sydd wedi ymrestru ar gwrs Astudiaethau Uwch i fod yn ‘Wneuthurwyr Newid’, i arwain gweithgareddau myfyrwyr, i fod yn fentoriaid i gyfoedion, ac i helpu i hwyluso clybiau neu gymdeithasau myfyrwyr.
