Cefnogaeth i’r rhai yr effeithir arnynt gan Ddiswyddiadau Tata Steel
Mae Coleg Penybont yma i’ch helpu i gymryd y cam nesaf. Rydym wedi ymrwymo i’ch helpu i symud ymlaen yn hyderus, archwilio’ch opsiynau, ennill sgiliau newydd, a pharatoi ar gyfer eich cyfle nesaf – mae eich dyfodol yn dechrau yma.
Os ydych chi’n byw yng Nghymru ac wedi colli eich swydd yn ddiweddar o Tata Steel UK, cwmni yn ei gadwyn gyflenwi, neu gontractwr cysylltiedig, gall Coleg Penybont eich cefnogi gyda hyfforddiant ac arweiniad wedi’i ariannu’n llawn i’ch helpu i ddychwelyd i’r gwaith.
Rydym yn gweithio mewn partneriaeth â Chyflogadwyedd CNPT i gynnig cymorth wedi’i deilwra drwy’r Gronfa Cyflogaeth a Sgiliau, a sefydlwyd gan Fwrdd Pontio Tata Steel.
Cyfleoedd Hyfforddi a Ariennir yn Llawn yng Ngholeg Penybont
Yng Ngholeg Penybont, rydym yn cynnig ystod eang o gyrsiau hyfforddi galwedigaethol, proffesiynol a seiliedig ar waith i’ch helpu i uwchsgilio neu ailhyfforddi ar gyfer cyfleoedd gyrfa newydd. Ariennir llawer o’r cyrsiau hyn yn llawn i’r rhai sy’n gymwys drwy’r Gronfa Cyflogaeth a Sgiliau.
P’un a ydych yn ystyried newid gyrfa, angen adnewyddu eich cymwysterau, neu eisiau dechrau eich busnes eich hun, rydym yma i’ch cefnogi bob cam o’r ffordd gyda opsiynau dysgu hyblyg i weddu i’ch argaeledd a’ch nodau.
Cysylltwch i gael cyngor ac arweiniad cwrs
E-bost: ptandcommercial@bridgend.ac.uk
Ffoniwch ni: 01656 302302 est 703
Ydych chi’n gymwys?
Os ydych wedi cael eich effeithio gan drawsnewidiad Tata Steel UK—naill ai’n uniongyrchol neu drwy gadwyn gyflenwi neu fusnes contractwr—a’ch bod yn byw yng Nghymru, efallai y byddwch yn gymwys i gael cyllid.
Mae hyn yn cynnwys cymorth ariannol ar gyfer hyfforddiant a chostau cysylltiedig â chyflogaeth, a drefnir drwy Gyngor Castell-nedd Port Talbot.
Sut i gael cymorth
I wneud cais am gyllid a siarad â rhywun am eich opsiynau:
E-bostiwch Cyflogadwyedd CNPT: jobsupport@npt.gov.uk
Bydd mentor Cyflogadwyedd CNPT yn eich arwain drwy’r broses ac yn eich cysylltu â’r cyfleoedd sy’n iawn i chi.
Hwb Gwybodaeth Pontio Tata Steel
I weld rhagor o adnoddau, gan gynnwys cymorth cyflogaeth, llwybrau hyfforddi, a chyngor busnes, ewch i Hwb Gwybodaeth Pontio Tata Steel, sy’n cael ei gynnal gan Gyngor Castell-nedd Port Talbot.
