Cylch Gorchwyl y Pwyllgor Cynllunio Adnoddau

Cyfansoddiad ac Aelodaeth

Bydd y Corff Llywodraethu’n gyfrifol am sefydlu’r Pwyllgor hwn ac am benodi aelodau a Chadeirydd y Pwyllgor.

Ni ddylid penodi llai na 5 aelod na mwy nag 7 aelod, gan gynnwys y Pennaeth ex officio. Bydd angen i leiaf 40% o’r aelodau fod yn bresennol i gael cworwm, a rhaid i leiaf ddau aelod allanol o’r Corff Llywodraethu fod yn bresennol. Gall y Pwyllgor, gyda chymeradwyaeth y Corff Llywodraethu, gyfethol dau aelod sydd ag arbenigedd penodol o du allan i’r Corff Llywodraethu. Ni ddylid cynnwys presenoldeb yr aelodau cyfetholedig yn nifer y cworwm.

Gellir gofyn i aelodau o staff y Coleg fynychu yn ôl yr angen.

I sicrhau annibyniaeth a gwrthrychedd, ni chaniateir i aelodau o’r Pwyllgor hwn fod yn aelodau o’r Pwyllgor Archwilio.

Awdurdod

Awdurdodir y Pwyllgor gan y Corff Llywodraethu i archwilio pob agwedd ar bolisïau, gweithdrefnau, strwythur a chynlluniau ariannol, adnoddau dynol ac ystadau’r Coleg.

Trafodion

Dylai’r Pwyllgor gyfarfod o leiaf ddwywaith bob blwyddyn academaidd, ac adrodd i’r Corff Llywodraethu yn y cyfarfod cyfleus nesaf.

Dyletswyddau

1. Cyfrifoldebau Gweithredol

A: Cyllid ac Ystadau

(i) Yn unol â’r Rheoliadau Ariannol, argymell bod cynigion gwario unigol neu brosiectau gwerth dros £100,000 yn cael eu cymeradwyo neu eu gwrthod cyn mynd at y Corff Llywodraethu i gadarnhau’r penderfyniad;

(ii) Yn unol â’r Rheoliadau Ariannol, argymell bod dyledion gwerth dros £25,000 yn cael eu dileu ai peidio cyn mynd at y Corff Llywodraethu i gadarnhau’r penderfyniad;

(iii) argymell bod y Corff Llywodraethu’n cymeradwyo neu’n gwrthod rheoliadau ar gyfer buddsoddi arian dros ben a gofynion benthyg yn unol â’r canllawiau awdurdodedig;

(iv) argymell bod unrhyw bolisïau neu weithdrefnau a nodir yn y rhestr awdurdod dirprwyedig yn cael eu cymeradwyo ai peidio cyn mynd at y Corff Llywodraethu i gadarnhau’r penderfyniad;

B: Adnoddau Dynol

(i) argymell bod y Corff Llywodraethu’n cymeradwyo neu’n gwrthod polisïau a gweithdrefnau a nodir yn y rhestr awdurdod dirprwyedig sy’n ymwneud ag adnoddau dynol (yn enwedig y rhai sy’n ymwneud â recriwtio a phenodi, rheoli a gwerthuso perfformiad, hyfforddiant a datblygiad, cwynion a disgyblu, rheoli absenoldeb, iechyd a diogelwch a chydraddoldeb, amrywiaeth a chynhwysiant);

2. Cyfrifoldebau Monitro

Monitro’r canlynol er mwyn rhoi cyngor i’r Corff Llywodraethu:

(i) y defnydd effeithiol ac effeithlon o adnoddau;

(ii) solfedd y Coleg;

(iii) gweithdrefnau gweithredu cyllid a rheoliadau ariannol;

(iii) adroddiadau a chyfrifon ar gyfer gweithredu’r Coleg a’i is-gwmnïau;

(iv) perfformiad ariannol gan gynnwys craffu ar gyfrifon rheoli chwarterol, rhagolygon, cyllidebau a dangosyddion perfformiad allweddol ariannol;

(v) statws a diogelwch pob safle campws gan gynnwys datblygiadau mawr;

(vi) cynnydd ar ddatblygiadau mawr ar y campws;

(vii) gweithredu polisïau adnoddau dynol;

(viii) datblygiadau mewnol, allanol a chenedlaethol sy’n ymwneud ag adnoddau dynol.

3. Cyfrifoldebau Cynghori