Cyngor i fyfyrwyr newydd
Mae eich taith yng Ngholeg Penybont yn dechrau yma, ac edrychwn ymlaen at gwrdd â chi!
I ddechrau, bydd angen i chi fynychu eich sesiwn gofrestru a’ch diwrnodau sefydlu. Anfonir rhagor o wybodaeth atoch drwy e-bost. Gallwch hefyd gael rhagor o wybodaeth ar ein tudalen gwybodaeth Cofrestru.
Oes gennych chi gwestiynau? Mae gennym ni’r atebion! Edrychwch ar ein Cwestiynau Cyffredin isod i ddod o hyd i bopeth sydd angen i chi ei wybod. Cofiwch, rydym ni yma i’ch helpu chi bob cam o’r ffordd, felly mae croeso i chi gysylltu os oes angen help arnoch. Gallwch anfon e-bost at hello@bridgend.ac.uk
Cwestiynau Cyffredin
Cofrestru yw’r broses ffurfiol o ymuno â’ch cwrs, sy’n ofynnol er mwyn dod yn fyfyriwr swyddogol Coleg Penybont. Cewch chi wahoddiad gennym, drwy’r post a thrwy e-bost, i ddod i’r coleg i gofrestru.
Bydd y broses yn cynnwys cwrdd â’n timau Sgiliau a Chwricwlwm i sicrhau eich bod yn cofrestru ar y cwrs cywir, yn seiliedig ar eich cymwysterau.
Fel rhan o’ch Taith Ddysgu yng Ngholeg Penybont, mae’n ofynnol i chi ddilyn Rhaglen Sgiliau i Lwyddo. Mae nifer o lwybrau ar gael a byddant yn cael eu dewis wrth gofrestru. Bydd y dewis hwn yn adlewyrchu’r cwrs rydych wedi gwneud cais amdano, y maes cwricwlwm rydych wedi’i ddewis, yn ogystal â’ch dysgu blaenorol o ran Mathemateg a Saesneg.
Yna bydd ein tîm cofrestru yn eich tywys trwy’r broses gofrestru, a fydd yn gofyn i chi dalu’r ffi gweinyddu cofrestru o £40.
Efallai y bydd angen i chi dalu ffi deunyddiau hefyd, yn dibynnu ar y cwrs rydych yn ei astudio.
Os oes gennych chi TGAU neu gymwysterau eraill, dewch â thystiolaeth o’ch canlyniadau gyda chi ynghyd â phrawf o bwy ydych, fel trwydded yrru, tystysgrif geni neu basbort. Yna byddwn yn rhoi eich cerdyn Adnabod Myfyriwr Coleg Penybont i chi.
Bydd cyfle hefyd i gael cyngor ac arweiniad ar bopeth o gyllid myfyrwyr a chludiant and transport i sut y gallwch wella eich profiad myfyriwr.
Mae croeso i chi ddod â rhiant, gofalwr neu ffrind gyda chi. Fodd bynnag, ni fydd cludiant i’r campws ac yn ôl yn cael ei ddarparu.
Os byddai’n well gennych ymgymryd â’r broses gofrestru mewn amgylchedd tawel, rhowch wybod i aelod o staff pan gyrhaeddwch a gallwn eich cyfeirio at le addas.
Cynhelir sesiynau cofrestru ym mis Gorffennaf ac Awst a byddant yn dibynnu ar y cwrs rydych yn ei astudio – cyfeiriwch at eich gwahoddiad cofrestru am eich dyddiad ac amser penodol. Bydd ein myfyrwyr sy’n dychwelyd hefyd yn cofrestru ym mis Mehefin.
Cynhelir sesiynau sefydlu i fyfyrwyr newydd ddydd Mawrth 1, dydd Mercher 2 a dydd Iau 3 Medi.
Mae’n bwysig eich bod yn dod i’ch sesiynau cofrestru a sefydlu.
Diwrnod cyntaf addysgu’r flwyddyn academaidd 2026-27 yw dydd Mawrth 1 Medi 2026.
Mae ein Tîm Lles Myfyrwyr yma i’ch cefnogi gyda phob agwedd ar eich lles yn ystod eich amser yn y coleg. P’un a oes angen cyngor arnoch, rhywun i siarad ag ef, neu gymorth ychwanegol gyda phroblem barhaus, rydym yma i wrando a’ch helpu i gael mynediad at y gefnogaeth gywir.
Gallwch drefnu apwyntiad neu ddod i’n gwasanaeth galw heibio a gynhelir bob dydd rhwng 12yp a 2yp ar Gampws Pencoed (Prif Floc Addysgu) ac ar Gampws Penybont (Bloc A) i siarad ag aelod o’r Tîm Lles.
Gallwch hefyd ofyn am gefnogaeth ar unrhyw adeg drwy:
- Defnyddio’r botwm “Adrodd Pryder” ar y Porth Myfyrwyr
- Sganio’r cod QR sydd yn eich ystafell ddosbarth neu o amgylch y campws
Mae’r opsiynau hyn yn caniatáu i chi ofyn am gefnogaeth yn gyflym ac yn ddisylw, a bydd aelod o’r Tîm Lles yn cysylltu â chi cyn gynted â phosibl.
Gallwch hefyd gael mynediad at gefnogaeth am ddim a chyfrinachol 24 awr y dydd drwy ap WISDOM. Mae’r ap yn rhoi mynediad uniongyrchol at gwnselwyr cymwys drwy sgwrs fyw, ffôn a fideo, yn ogystal ag ystod eang o adnoddau hunangymorth i gefnogi eich iechyd meddwl a’ch lles pryd bynnag y bydd ei angen arnoch.
Bydd rhagor o wybodaeth am ap WISDOM a sut i gael mynediad at gymorth yn cael ei rhannu mewn tiwtorialau a gwasanaethau drwy gydol y flwyddyn.
Bydd pob myfyriwr yn cael sesiwn sefydlu yn y coleg, lle byddwn yn eich croesawu ac yn eich helpu i ymgartrefu i fywyd coleg. Byddwn yn dangos i chi sut i weld eich amserlen a’ch negeseuon e-bost coleg a llywio eich mannau astudio – bydd eich tiwtoriaid wrth law i’ch helpu chi hefyd.
I fyfyrwyr ag Anghenion Dysgu Ychwanegol sydd wedi cael cefnogaeth pontio uwch, bydd eich cydlynydd pontio dynodedig hefyd ar gael fel wyneb cyfeillgar i’ch helpu i ymgartrefu i fywyd coleg yn ystod gweithgareddau sefydlu.
Gall ein tîm Gwasanaethau Myfyrwyr eich helpu i wneud cais am gyllid myfyrwyr. Gallwch ddod o hyd iddynt gyferbyn â’r siop goffi ar Gampws Penybont ac i’r chwith o’r fynedfa yn y Prif Floc Addysgu ar Gampws Pencoed. Byddant hefyd ar gael yn ystod cofrestru i helpu i ateb eich cwestiynau.
Mae gennym gampysau ledled Bwrdeistref Sirol Pen-y-bont ar Ogwr, ym Mhen-y-bont ar Ogwr, Pencoed a Heol y Frenhines, ac mae modd cyrraedd pob un ohonynt ar drafnidiaeth gyhoeddus. Siaradwch â’n tîm Gwasanaethau Myfyrwyr cymwynasgar neu ewch i’n tudalen trafnidiaeth i gael rhagor o wybodaeth.
Sylwer: nid yw’r coleg yn trefnu cludiant unigol i ddysgwyr ag Anghenion Dysgu Ychwanegol. Cysylltwch â’ch awdurdod lleol os teimlwch y gallech fod â hawl i gael eich ystyried am gefnogaeth barhaus gan eich gwasanaeth cludiant ysgol.
Bydd! Rydym yn cynnal ffair y glas lle mae ein holl fyfyrwyr, y rhai sy’n dychwelyd a’r rhai newydd, yn cael eu gwahodd i ddod draw.
- Campws Penybont, dydd Mawrth 8 Medi, 12-1.30yp
- Campws Pencoed, dydd Mercher 9 Medi, 12-1.30yp
Sylwch, nid eich sesiynau sefydlu na chofrestru yw’r rhain.
Mae yna siop goffi a ffreutur ar ein Campws Penybont a Champws Pencoed, sy’n gwerthu amrywiaeth o fwyd a diodydd poeth ac oer. Mae bar brechdanau hefyd yn y Prif Floc Addysgu ym Mhencoed. Mae yna hefyd sawl lle i brynu bwyd yn agos at bob campws.
Os ydych yn gymwys i gael prydau ysgol am ddim, gallwch wneud cais am hyn ar y Dudalen Cyllid Myfyrwyr.
Mae mapiau o’n campysau ar gael isod:
Campws Penybont
Campws Pencoed
Big Bocs Bwyd yw ein harchfarchnad gynaliadwy yma ar y campws. Drwy ailddefnyddio cynhyrchion o siopau lleol, rydym yn cynnig profiad siopa talwch-beth-y-gallwch i bob myfyriwr – galwch heibio heddiw i weld beth sydd ar gael!
Y Siop – Chwilio am fargen? Galwch heibio i’r Siop! Gan ddarparu dillad cynaliadwy a fforddiadwy i fyfyrwyr, Y Siop yw trysorfa ail-law’r coleg!
Working Wardrobe – Allwch chi ddim dod o hyd i rywbeth i’w wisgo ar gyfer cyfweliad swydd? Gall Working Wardrobe ddarparu dillad fforddiadwy i fyfyrwyr a fydd yn rhoi hwb i’ch hyder ac yn eich helpu i lwyddo yn y cyfweliad hwnnw! Dewch draw i wasanaethau myfyrwyr i gael gwybod mwy.
Yn hollol! Mae clybiau a chymdeithasau’n amrywio o flwyddyn i flwyddyn, ond gallwch ddod o hyd i ragor o wybodaeth am wella eich profiad myfyriwr ar ein tudalen Llais Myfyrwyr. Bydd gwybodaeth ar gael hefyd wrth gofrestru, neu gallwch hefyd siarad â’r arweinydd lles actif i gael gwybod mwy.
Ar ein Campws Pencoed, gallwch barcio yn y meysydd parcio uchaf neu isaf, mewn unrhyw le gwag wedi’i farcio.
Ar ein Campws Penybont, gallwch barcio mewn unrhyw le gwag wedi’i farcio. Mae dau faes parcio gyda mynedfeydd ar wahân, felly os na allwch ddod o hyd i le parcio yn y prif faes parcio wrth y dderbynfa, efallai y bydd lleoedd gwag yn y maes parcio ger Theatr Sony.
Os oes gennych fathodyn glas ac mae angen i chi barcio mewn lle i bobl anabl ar Gampws Penybont neu Gampws Pencoed, parciwch mewn unrhyw le gwag ac arddangoswch eich bathodyn glas fel arfer.
