Polisi Cyngor ac Arweiniad Gyrfaol

Adran: Gwasanaethau Myfyrwyr
Awdur y Ddogfen: Caroline McCarthy
Teitl Swydd: Rheolwr Gwasanaethau Myfyrwyr
Dyddiad Cymeradwyo: 4 Tachwedd 2025
Dyddiad Adolygu: Tachwedd 2027
Fersiwn: 2

Rhestr Wirio’r Polisi:

Datganiad Sefyllfa Polisi

Mae ein cenhadaeth yn un syml – byddwch yn bopeth y gallwch fod.

Mae Coleg Penybont yn lle arbennig i ddysgu a gweithio. Ein nod yw creu amgylchedd cynhwysol sy’n galluogi pobl i fod yn arloesol ac yn angerddol am yr hyn maen nhw’n ei wneud. Rydyn ni am greu cyfleoedd ysbrydoledig sy’n trawsnewid bywydau a dathlu llwyddiannau pob unigolyn. Rydym wedi ymrwymo i wneud penderfyniadau sy’n foesegol ac yn canolbwyntio ar bobl, er lles pob unigolyn ac ym mhob rhyngweithiad.

Gwyddom mai’r safonau y cerddwn heibio iddynt yw’r safonau a dderbyniwn, felly drwy fod yn chwaraewr tîm sy’n ymroddedig i werthoedd ein sefydliad, gallwn sicrhau fod pawb yn barod i ddysgu a gweithio mewn amgylchedd lle maen nhw’n cael eu parchu ac yn teimlo’n ddiogel, i fod yn bopeth y gallant fod.

Rydyn ni am i Goleg Penybont fod yn lle noddfa, gan feithrin ymdeimlad o berthyn.

Rydym yn cydnabod yr effaith sylweddol y mae trawma yn ei gael ar fywydau unigolion ac yn deall bod agwedd dosturiol a chydymdeimladol yn hanfodol i gefnogi ein myfyrwyr a’n staff ar eu teithiau academaidd a phersonol. Byddwn yn gwneud hyn drwy fod yn bwyllog, yn gyson ac yn ofalgar wrth gyfathrebu a gwneud penderfyniadau.

Ein bwriad yw bod yn goleg gwrth-hiliol. Rydym wedi ymrwymo i feithrin diwylliant cynhwysol lle mae pobl yn barchus a lle mae hyn yn treiddio trwy bopeth a wnawn. Rydyn ni am ddatblygu diwylliant lle mae pobl yn cefnogi ei gilydd gydag ymddiriedaeth a gonestrwydd – man dysgu agweithio lle mae pobl yn ffynnu.

Fel sefydliad addysg, rydym yn cydnabod ein cyfrifoldeb am ddatblygu sgiliau, gwybodaeth a hyder ein myfyrwyr, ein staff a’r cymunedau rydym yn eu gwasanaethu.

Gwyddom nad ydym bob amser yn gwneud pethau’n iawn, ond rydym yn ymrwymedig i wrando, dysgu ac addysgu ein hunain ar ein taith i fod yn sefydliad eithriadol.

Rydym wedi ymrwymo i sicrhau bod dewisiadau a chynigion cwrs er budd addysgol gorau dysgwr unigol, gan eu galluogi i gyflawni a gwneud cynnydd (o ran sgiliau personol ond hefyd datblygiad cymdeithasol ac academaidd).

Mae’r polisi hwn yn berthnasol i bob ymgeisydd sy’n gwneud cais neu’n cofrestru ar raglen ddysgu, beth bynnag fo’r modd neu’r lleoliad astudio.

1. Pwrpas ac Amcanion:

Rydym wedi ymrwymo i ddarparu cyngor ac arweiniad gyrfaol rhagorol drwy raglen o addysg, gwybodaeth a chefnogaeth yrfaol sy’n ystyriol o drawma i bob myfyriwr presennol a darpar fyfyriwr. Mae ein rhaglen yrfaol wedi’i chynllunio i rymuso myfyrwyr gyda’r sgiliau, y wybodaeth a’r hyder i wneud penderfyniadau gwybodus am eu dyfodol, boed y myfyriwr yn symud ymlaen i Addysg Uwch, prentisiaethau, entrepreneuriaeth, cyflogaeth neu annibyniaeth.

Yn unol â Strategaeth Ymgysylltu â Rhanddeiliaid Grŵp Coleg Penybont, blaenoriaeth allweddol fydd meithrin a datblygu perthnasoedd presennol â chyflogwyr a nodi cyfleoedd newydd ar gyfer lleoliadau gwaith ystyrlon.

Rydym wedi ymrwymo i weithredu wyth Meincnod Gatsby (Gweler y dogfennau cysylltiedig)

2. Cyflwyno’r Rhaglen:

Cyflwynir y rhaglen yrfaol gan ein Tîm Gyrfaoedd, Cyfleoedd, trwy gyfuniad o sesiynau galw heibio, apwyntiadau wedi’u trefnu a gweithgareddau cwricwlwm integredig fel tiwtorialau a sesiynau sgiliau uwch yn yr hybiau llwyddiant.

3. Taith gyrfaoedd: (Gweler y dogfennau cysylltiedig i weld y graffeg gyrfaoedd)

4. Cyfrifoldebau

Mae’r Arweinydd Gyrfaoedd a Chyflogaeth

Mae’r Arweinydd Gyrfaoedd a Chyflogaeth yn gyfrifol am gynllunio, datblygu a chydlynu’r rhaglen yrfaol. Mae hyn yn cynnwys:

• Trefnu gweithdai, gan ddefnyddio ein platfform gyrfaoedd Unifrog, ar gyfer ysgrifennu CVs, sgiliau cyfweld, a chwilio am swyddi; ffeiriau gyrfaoedd a chyflwyniadau gan gyflogwyr. Mae’r gweithdai hyn yn ychwanegol at y cymhwyster Cyflogadwyedd a ymgymerir gan fyfyrwyr Lefel 2 a Lefel 3, fel rhan o’u rhaglen diwtorial Sgiliau Uwch.
• Trefnu profiad gwaith gorfodol, gyda chefnogaeth gan yr Hwylusydd Lleoliadau Gwaith. Cofnodir lleoliadau ar Unifrog, i gofnodi cwblhau a chydymffurfiaeth ag Iechyd a Diogelwch.
• Trefnu sesiynau cyngor ar Addysg Uwch, Prentisiaethau ac opsiynau hyfforddi.
• Sicrhau bod y rhaglen yn cyd-fynd â safonau addysgol perthnasol ac anghenion y myfyrwyr neu’r unigolion y mae’n eu cefnogi.
• Hyrwyddo cyfleoedd gwaith lleol.
• Trefnu sesiynau ymgysylltu â chyflogwyr, digwyddiadau a siaradwyr gwadd.
• Mynychu digwyddiadau/grwpiau/fforymau rhwydweithio ar gyfer datblygiad proffesiynol parhaus.
• Cyflwyno adroddiadau canol blwyddyn a diwedd blwyddyn i Medr, gan amlinellu gweithgarwch y Biwro Cyflogaeth a Menter.
• Hyrwyddo cyfleoedd i gael cyngor ac arweiniad gyrfaol yn y Gymraeg, trwy gydweithio â Gyrfa Cymru.

Bydd y Rheolwr Gwasanaethau Myfyrwyr yn:

• Adolygu’r polisi yn flynyddol, gan ystyried y farchnad lafur gyfredol a newidiadau mewn polisi addysg.
• Goruchwylio cyflwyno adroddiadau canol blwyddyn a diwedd blwyddyn i Medr, gan amlinellu gweithgarwch y Biwro Cyflogaeth a Menter.
• Mesur effeithiolrwydd y rhaglen yrfaol drwy adborth gan staff a Llais y Dysgwr a data dilyniant.

Bydd y Swyddog Entrepreneuriaeth yn:

• Gyrru agenda Entrepreneuriaeth Ieuenctid, drwy alluogi, ymgysylltu, grymuso a chyfarparu myfyrwyr i greu a thyfu busnesau drwy ystod o weithgareddau entrepreneuriaeth a menter.
• Goruchwylio gweinyddiaeth y cynllun Gwisgoedd Gwaith

5. Dogfennau Cysylltiedig (os yn berthnasol):

Deddf Llesiant Cenedlaethau’r Dyfodol (Cymru) 2015

Strategaeth Ymgysylltu â Rhanddeiliaid 2025/28

Cynllun Gwisgoedd Gwaith – Working Wardrobe 

Meincnodau Gatsby 

Graffeg Fy Nhaith Gyrfaoedd

Asesiad O’r Effaith Ar Gydraddoldeb

Dyddiad cwblhau’r asesiad: 29/7/25
Llofnod y rheolwr a gwblhaodd yr asesiad: Caroline McCarthy

Asesiad o’r Effaith ar y Gymraeg

Safonau’r Gymraeg

Cynllun Gweithredu

Dylai’r cynllun gweithredu nodi’r camau i’w cymryd i leihau neu, lle bo modd, ddileu unrhyw effaith negyddol ar y Gymraeg.

Dyddiad cwblhau’r asesiad: 29/7/25

Student finance

Studying at college may involve costs for you.

Find out more

Discovery Events

Throughout the year, we open our doors to the public and run a number of discovery events.

Find out more

Campus Tours

We offer over 20 different tours, all of which are focused on a specific subject area.

Find out more

Cyfleoedd

Cyfleoedd is our careers hub, and we work closely with students to enhance careers education and promote work-related opportunities.

Find Out More

Careers

We are a values-based organisation, and we look for people to join us who share those values.

Find Out More