Polisi a Gweithdrefn Apeliadau

Adran: Ansawdd
Awdur y Ddogfen: Claire Flay-Petty
Teitl Swydd: Pennaeth AnsawddDyddiad Cymeradwyo: Medi 2025
Dyddiad Adolygu: Medi 2028
Fersiwn: 01

Rhestr Wirio’r Polisi:

Datganiad Sefyllfa Polisi

Mae ein cenhadaeth yn un syml – byddwch yn bopeth y gallwch fod.

Mae Coleg Penybont yn lle arbennig i ddysgu a gweithio. Ein nod yw creu amgylchedd cynhwysol sy’n galluogi pobl i fod yn arloesol ac yn angerddol am yr hyn maen nhw’n ei wneud. Rydyn ni am greu cyfleoedd ysbrydoledig sy’n trawsnewid bywydau a dathlu llwyddiannau pob unigolyn. Rydym wedi ymrwymo i wneud penderfyniadau sy’n foesegol ac yn canolbwyntio ar bobl, er lles pob unigolyn ac ym mhob rhyngweithiad.

Gwyddom mai’r safonau y cerddwn heibio iddynt yw’r safonau a dderbyniwn, felly drwy fod yn chwaraewr tîm sy’n ymroddedig i werthoedd ein sefydliad, gallwn sicrhau fod pawb yn barod i ddysgu a gweithio mewn amgylchedd lle maen nhw’n cael eu parchu ac yn teimlo’n ddiogel, i fod yn bopeth y gallant fod.

Rydyn ni am i Goleg Penybont fod yn lle noddfa, gan feithrin ymdeimlad o berthyn.

Rydym yn cydnabod yr effaith sylweddol y mae trawma yn ei gael ar fywydau unigolion ac yn deall bod agwedd dosturiol a chydymdeimladol yn hanfodol i gefnogi ein myfyrwyr a’n staff ar eu teithiau academaidd a phersonol. Byddwn yn gwneud hyn drwy fod yn bwyllog, yn gyson ac yn ofalgar wrth gyfathrebu a gwneud penderfyniadau.

Ein bwriad yw bod yn goleg gwrth-hiliol. Rydym wedi ymrwymo i feithrin diwylliant cynhwysol lle mae pobl yn barchus a lle mae hyn yn treiddio trwy bopeth a wnawn. Rydyn ni am ddatblygu diwylliant lle mae pobl yn cefnogi ei gilydd gydag ymddiriedaeth a gonestrwydd – man dysgu agweithio lle mae pobl yn ffynnu.

Fel sefydliad addysg, rydym yn cydnabod ein cyfrifoldeb am ddatblygu sgiliau, gwybodaeth a hyder ein myfyrwyr, ein staff a’r cymunedau rydym yn eu gwasanaethu.

Gwyddom nad ydym bob amser yn gwneud pethau’n iawn, ond rydym yn ymrwymedig i wrando, dysgu ac addysgu ein hunain ar ein taith i fod yn sefydliad eithriadol.

1. Pwrpas ac Amcanion:

Mae Coleg Penybont wedi ymrwymo i sicrhau bod pob penderfyniad asesiad a gradd yn deg, yn ddilys, yn ddibynadwy, ac yn hygyrch i bob dysgwr. Mae’r Polisi a Gweithdrefn Apelio yn nodi’r broses i apelio yn erbyn penderfyniadau asesiadau, yn unol â gofynion y sefydliad dyfarnu a gofynion rheoleiddio.

Mae’r polisi hwn ar gael i’w ddefnyddio gan ddysgwyr a staff ac mae’n berthnasol i bob darpariaeth Addysg Bellach, ac i ddarpariaeth Addysg Uwch a ddyfernir yn uniongyrchol gan Goleg Penybont, gan gynnwys Dysgu Seiliedig ar Waith. Ar gyfer Addysg Uwch a ddarperir o dan drefniant masnachfraint gyda Phrifysgol bartner, bydd rheoliadau a phrosesau priodol y Brifysgol yn berthnasol.

Mae dulliau apelio yn amrywio yn ôl sefydliad dyfarnu, a gallant hefyd fod yn ddarostyngedig i reoliadau’r Cyd-Gyngor Cymwysterau (CGC). Yn unol â hynny, rhaid darllen a gweithredu’r polisi hwn ar y cyd â pholisïau a rheoliadau cysylltiedig y sefydliad dyfarnu perthnasol a’r Cyd-Gyngor Cymwysterau, sydd ar gael ar wefan CGC: https://www.jcq.org.uk/.

2. Manylion y Polisi:

Dylid hysbysu pob dysgwr o’u hawl i apelio yn erbyn penderfyniad asesiad yn ystod y cyfnod sefydlu a dylai tîm y cwrs atgyfnerthu hyn drwy gydol y rhaglen ddysgu.

Lle mae penderfyniad asesiad yn ymwneud ag asesiad mewnol, dylid ceisio datrysiad anffurfiol rhwng yr asesydd/darlithydd a’r dysgwr cyn gynted â phosibl. Gall y Gwiriwr Mewnol fod yn rhan o’r trafodaethau anffurfiol hyn er mwyn ceisio datrysiad cynnar. Dylai’r datrysiad anelu at fod yn amserol ac mor gyflym â phosibl.

Rhaid codi unrhyw bryderon ynghylch cywirdeb penderfyniad gradd gyda’r Rheolwr Cwricwlwm perthnasol cyn gynted â phosibl gan fod gan apeliadau amserlenni llym.

Cyn apelio (cam anffurfiol)

• Dylai’r dysgwr godi ei bryder gyda’r asesydd/darlithydd a’r Rheolwr Cwricwlwm cyn gynted â phosibl ar ôl cael penderfyniad yr asesiad. Dylai’r asesydd neu’r darlithydd adolygu sylwadau’r dysgwr yn gyflym ac yn wrthrychol, wrth ymgynghori â’r Gwiriwr Mewnol/Swyddog Sicrhau Ansawdd Mewnol os yw’n briodol, a rhaid iddo hysbysu’r Rheolwr Cwricwlwm am bryderon y dysgwr ar unwaith.
• Os na ellir datrys y pryder yn anffurfiol, rhaid hysbysu’r dysgwr o’i hawl i apelio’n ffurfiol. Mae’r cam hwn yn bwysig gan mai dim ond o fewn 10 niwrnod i gael gwybod am benderfyniad yr asesiad y gall y dysgwr apelio’n ffurfiol.
• Gall cyflwyno apêl fewnol ffurfiol arwain at radd uwch, gradd is neu’r un radd.

Cam 1: Apêl Fewnol Ffurfiol

• Os hoffai’r dysgwr apelio’n ffurfiol yn erbyn penderfyniad yr asesiad, rhaid i’r dysgwr gyflwyno apêl ysgrifenedig o fewn 10 niwrnod gwaith i gael gwybod am benderfyniad yr asesiad. Gall dysgwr apelio os yw’n credu:
  • na chafodd gyfle cyfartal i ddangos cymhwysedd na gwybodaeth;
  • nad oedd y meini prawf asesu yn glir neu eu bod wedi’u cymhwyso’n anghyson;
  • nad yw’r penderfyniad a wnaed yn adlewyrchu ansawdd na lefel ei waith yn deg;
  • bod gwall gweinyddol neu weithdrefnol wedi digwydd wrth brosesu ei radd.
• Rhaid cyflwyno’r apêl drwy lenwi’r Ffurflen Apelio i Ddysgwyr a’i hanfon at y Rheolwr Cwricwlwm a’r Tîm Ansawdd drwy e-bost. Mae’r ffurflen yn cynnwys canllawiau cam wrth gam i ddysgwyr ar sut i lenwi a chyflwyno’r ffurflen.
• Ar ôl i’r dysgwr gyflwyno’r apêl yn ffurfiol, ni all y dysgwr ddiwygio nac ychwanegu at y dystiolaeth neu’r wybodaeth sy’n sail i’r apêl.
• Dylid cyflwyno’r apêl i Reolwr Cwricwlwm y Maes Cwricwlwm perthnasol, a’r Tîm Ansawdd (quality@bridgend.ac.uk).
• Rhaid i’r apêl ysgrifenedig gael ei hadolygu a’i thrafod gan aelod o’r Tîm Ansawdd, y Rheolwr Cwricwlwm a lle bo’n berthnasol y darlithydd/asesydd a wnaeth y penderfyniad.
• Bydd y Tîm Ansawdd yn penodi Adolygydd Apeliadau annibynnol, ac ni ddylai fod wedi bod yn rhan o benderfyniad gwreiddiol yr asesiad.
• Bydd yr Adolygydd Apeliadau yn gwerthuso’r dystiolaeth, yn dod i benderfyniad, yn cwblhau Adroddiad Adolygu’r Apêl ac yn ei gyflwyno i’r Tîm Ansawdd.
• Bydd canlyniad yr apêl yn cael ei gyfleu i’r dysgwr yn ysgrifenedig o fewn 10 niwrnod gwaith i dderbyn yr apêl ysgrifenedig.
• Os caiff yr apêl ei chadarnhau, rhaid rhoi camau unioni ar waith, a rhaid nodi achos y methiant a mynd i’r afael ag ef.
• Ni all Coleg Penybont ddiwygio penderfyniadau asesiadau yn uniongyrchol sy’n ymwneud ag asesiad crynodol, asesiad a osodir/asesir yn allanol, na dyfarniadau cymhwyster terfynol. Pan fydd apêl o’r natur hon yn cael ei chadarnhau, efallai y bydd angen i’r apêl symud ymlaen i Gam 2: Apêl Allanol Ffurfiol er mwyn rhoi camau unioni ar waith.
• Os yw’r dysgwr yn parhau i fod yn anfodlon ar ôl derbyn canlyniad Cam 1: Apêl Ffurfiol, gall ofyn i Goleg Penybont gyflwyno apêl i’r sefydliad dyfarnu perthnasol, lle caniateir hyn o dan reoliadau’r sefydliad hwnnw. Mae hyn yn ôl disgresiwn Coleg Penybont. Mewn achosion o’r fath, rhaid gwneud y cais o fewn amserlenni cyhoeddedig y sefydliad dyfarnu, ac efallai y bydd gofyn i’r dysgwr dalu ffi i’r sefydliad dyfarnu cysylltiedig. Mae’r cais hwn yn amodol ar y wybodaeth benodol a amlinellir yng Ngham 2: Apêl Allanol Ffurfiol, isod. Os caiff Apêl Allanol Ffurfiol (Cam 2) ei gadarnhau, bydd ffi i’r sefydliad dyfarnu cysylltiedig yn cael ei had-dalu.

Cam 2: Apêl Allanol Ffurfiol

• Pan fydd cymhwyster yn cael ei ddyfarnu gan sefydliad allanol, gall dysgwyr, ar ôl i broses fewnol Coleg Penybont gael ei chwblhau, ofyn i’r coleg gyflwyno apêl i’r sefydliad dyfarnu perthnasol yn unol â gweithdrefnau cyhoeddedig y sefydliad hwnnw. Mewn achosion lle nad yw Coleg Penybont yn gallu cymryd camau unioni i asesiad crynodol, asesiad allanol neu radd cymhwyster terfynol yr effeithiwyd arnynt, bydd angen i’r apêl symud ymlaen i broses apelio’r sefydliad dyfarnu.
• Ar gyfer cymwysterau a reoleiddir gan y Cyd-Gyngor Cymwysterau (CGC), bydd hyn yn dilyn gweithdrefnau Gwasanaethau ar ôl y Canlyniadau ac Adolygu Marcio’r CGC. I weld rhestr gyfredol o sefydliadau dyfarnu’r CGC, ewch i https://www.jcq.org.uk/. Ar gyfer sefydliadau dyfarnu eraill, bydd Coleg Penybont yn dilyn y broses benodol sy’n ofynnol gan y sefydliad dyfarnu hwnnw.
• Bydd Coleg Penybont yn cefnogi dysgwyr i gael mynediad at ddogfennaeth ac amserlenni perthnasol ond ni all warantu y bydd apêl allanol yn cael ei derbyn.
• I symud ymlaen i Gam 2: Apêl Allanol Ffurfiol, rhaid i’r dysgwr roi ei ganiatâd datganedig ysgrifenedig i gadarnhau ei fod yn dymuno bwrw ymlaen, erbyn y dyddiad cau a bennir. Cynghorir dysgwyr y gall Cam 2: Apêl Allanol Ffurfiol arwain at radd uwch, gradd is neu’r un radd.
• Ar ôl derbyn caniatâd ysgrifenedig i symud ymlaen i Gam 2: Apêl Allanol Ffurfiol gan y dysgwr, bydd Coleg Penybont yn cwblhau ac yn cyflwyno dogfennaeth berthnasol i’r sefydliad dyfarnu gan ddefnyddio’r wybodaeth a ddarparwyd gan y dysgwr yn y Ffurflen Apelio. Ni all yr apelydd ddiwygio nac ychwanegu at y dystiolaeth na’r wybodaeth sy’n sail i’r apêl. Gall y geiriad penodol a ddefnyddir gan Goleg Penybont gael ei aileirio neu ei gyd-destunoli i natur yr apêl, ac ni fydd yr apelydd yn cael ei ymgynghori ynghylch cynnwys na strwythur yr apêl. Gellir darparu copi o’r ddogfennaeth hon ar gais gan y dysgwr.
• Gall pob dysgwr sy’n apelio gael mynediad at gefnogaeth a chymorth lles gan y Tîm Lles. Nid yw’r Tîm Lles yn rhan o’r broses gwneud penderfyniadau ac ni fydd yn gallu rhoi’r wybodaeth ddiweddaraf i ddysgwyr am fanylion penodol ynghylch yr apêl.
• Caiff pob apêl ei thrin yn gyfrinachol ac yn unol â deddfwriaeth Diogelu Data a Pholisi Rheoli Data’r Coleg. Caiff cofnodion eu storio’n ddiogel a’u rhannu dim ond gyda staff sy’n ymwneud yn uniongyrchol â’r broses.

Ymddygiad Blinderus neu Afresymol

Mae Coleg Penybont wedi ymrwymo i drin pob dysgwr â pharch ac yn disgwyl yr un peth yn ôl. Ni oddefir gohebiaeth sy’n ormodol, yn ailadroddus, a wneir gyda’r bwriad o amharu neu aflonyddu, neu sy’n defnyddio iaith ddifrïol neu sarhaus. Bydd pob apêl yn cael ei hasesu’n unigol i sicrhau nad yw materion dilys yn cael eu hanwybyddu a bydd y coleg yn rhoi cyngor ar sut y gellir codi pryderon yn y dyfodol. Gall Coleg Penybont gyfyngu ar gyfathrebu neu atal cyfathrebu mewn achosion o ymddygiad blinderus neu afresymol.

3. Cyfrifoldebau (os yw’n berthnasol):

Bydd y rhai sy’n gyfrifol am gyflwyno a/neu asesu cymwysterau yn ymgyfarwyddo â manylion y polisi a’r weithdrefn hon, ac yn eu cymhwyso i’r amgylchiadau priodol, a byddant yn sicrhau bod y Tîm Ansawdd yn cael gwybod am bob apêl gan ddysgwyr.

Bydd Tîm Rheoli’r Cwricwlwm yn:

• ymgyfarwyddo â manylion y polisi a’r weithdrefn hon, ac yn eu cymhwyso i’r amgylchiadau priodol;
• sicrhau bod unrhyw apeliadau gan ddysgwyr yn cael eu cofnodi a’u hadrodd yn y modd a nodir uchod, gan gynnwys hysbysu’r Tîm Ansawdd pan fydd dysgwr yn mynegi awydd i gyflwyno Apêl Fewnol Ffurfiol (Cam 1).

Bydd y Tîm Ansawdd yn cefnogi’r broses apeliadau dysgwyr lle bo angen, a bydd yn cynnal cofnod canolog o bob apêl ffurfiol gan ddysgwyr.

4. Dogfennau Cysylltiedig (os yw’n berthnasol):

Rhaid ymgynghori â pholisi a gweithdrefn apelio’r sefydliad dyfarnu perthnasol sy’n dyfarnu’r cymhwyster ar y cyd â’r polisi hwn.

Canllawiau apelio’r CGC: https://www.jcq.org.uk/.

Polisi Cwyno (Eich Llais)

5. Adolygu’r ddogfen:

Caiff y ddogfen hon ei hadolygu ym mis Medi 2028. Gellir gwneud diwygiadau dros dro yn ôl yr angen oherwydd newidiadau ym mholisi’r sector. Bydd hyn yn cael ei adlewyrchu yn rhif fersiwn y ddogfen.

Asesiad O’r Effaith Ar Gydraddoldeb

Dyddiad cwblhau’r asesiad: 05.10.2025
Llofnod y rheolwr a gwblhaodd yr asesia: Claire Flay-Petty

Asesiad o’r Effaith ar y Gymraeg

Safonau’r Gymraeg

Cynllun Gweithredu

Dylai’r cynllun gweithredu nodi’r camau i’w cymryd i leihau neu, lle bo modd, ddileu unrhyw effaith negyddol ar y Gymraeg.

Dyddiad cwblhau’r asesiad: 05.10.2025

Student finance

Studying at college may involve costs for you.

Find out more

Discovery Events

Throughout the year, we open our doors to the public and run a number of discovery events.

Find out more

Campus Tours

We offer over 20 different tours, all of which are focused on a specific subject area.

Find out more

Cyfleoedd

Cyfleoedd is our careers hub, and we work closely with students to enhance careers education and promote work-related opportunities.

Find Out More

Careers

We are a values-based organisation, and we look for people to join us who share those values.

Find Out More