Datganiad Polisi Cynaliadwyedd

Gwelwch y ddogfen hon yn Saesneg

Cod Dogfen SPS 01

Adran:Cynaliadwyedd

Awdur y Ddogfen: Chris Long

Teitl Swydd: Pennaeth Cynaliadwyedd

Dyddiad Cymeradwyo:

Dyddiad Adolygu: 5 Medi 2027

Fersiwn: 17

Mae gan Grwp Goleg Penybont dros 7,500 o ddysgwyr ac mae’n cyflogi tua 730 aelod staff. Rydym yn cynnig amrywiaeth helaeth o gyrsiau, o lefel Mynediad hyd at lefel Gradd mewn dros 20 o feysydd galwedigaethol. Rydym yn gweithio’n agos gyda chyflogwyr a busnesau gan gynnig cefnogaeth arbenigol, prentisiaethau a phrentisiaethau uwch i gefnogi datblygiad gweithlu proffesiynol a medrus. Yn ogystal, mae Coleg Bevan yn darparu lleoliadau dydd a phreswyl o ansawdd uchel i bobl ifanc ag anghenion dysgu ychwanegol ac anableddau, fel sefydliad ôl-16 arbenigol annibynnol.

Gydag uchelgais o fod yn sefydliad eithriadol, mae Grwp Coleg Penybont yn cydnabod ac yn derbyn bod pryderi am y byd naturiol, addysg am gynaliadwyedd, iechyd, lles, a diogelwch ei staff, myfyrwyr, contractwyr, ymwelwyr ac aelodau’r gymuned leol a byd-eang yn rhan annatod a sylfaenol o strategaeth y Coleg ar gyfer llwyddiant. Byddwn yn ysbrydoli pobl, yn dathlu ac yn rhannu llwyddiant ac yn hyrwyddo’r rôl hollbwysig sydd gan addysg wrth gyflawni’r Nodau Llesiant o dan Ddeddf Llesiant Cenedlaethau’r Dyfodol (Cymru) 2015 a’r Nodau Datblygu Cynaliadwy (SDGs) a’r gwerth y mae’n ei roi i’n dysgwyr a’n staff. , busnesau a’r gymdeithas ehangach. Fel cyflogwr a darparwr addysgol mawr, rydym yn cydnabod ein bod ni’n galluogi newidiadau cadarnhaol a bod gan ein penderfyniadau effaith yn bell y tu hwnt i derfyn y Coleg, yn y presennol ac yn y dyfodol.

Mae Coleg Penybont yn llwyr ymrwymedig i addysg am gynaliadwyedd, diogelu iechyd a lles pobl, ei ystâd, y byd naturiol, ac atal llygredd yn ei holl ffurfiau, a byddwn yn gwella’r system rheoli cynaliadwyedd yn barhaus er mwyn cefnogi’r ymrwymiad hwn. Mae gan yr ymrwymiad hwn gefnogaeth lawn y Corff Llywodraethol, yr Uwch Dîm Arwain, a’r Pennaeth, sydd yn y pen draw yn gyfrifol am ei weithredu a sicrhau ei fod yn brif bryder i’r aelodau staff a’r myfyrwyr i gyd.

Mae Coleg Pen-y-bont ar Ogwr wedi ymrwymo i wneud datblygu cynaliadwy (iechyd, addysg, lles, diogelwch a’r byd naturiol) yn un o’r egwyddorion trefniadol craidd y gwneir penderfyniadau a pholisïau yn eu herbyn. Yn 2018, ni oedd y coleg cyntaf yng Nghymru i arwyddo Cytundeb Nodau Datblygu Cynaliadwy (SDGs) y Cenhedloedd Unedig (CU), gan ymrwymo i adroddiadau gorfodol ar lefel rhyngwladol. Ar ben hynny, yn 2019, ni oedd y coleg cyntaf yn y DU i ddatgan argyfwng hinsawdd. Mae ein heffeithiau sylweddol yn cynnwys darparu cwricwlwm, defnyddio trydan a nwy, defnyddio cludiant, gwastraff sy’n mynd i safle tirlenwi, defnyddio dŵr, caffael nwyddau a gwasanaethau, isadeiledd, defnyddio tir, a bioamrywiaeth. Byddwn yn nodi bygythiadau o’n gweithgareddau a naill ai yn eu gwaredu neu’n eu rheoli’n effeithiol ac, ar y lleiaf, byddwn yn cydymffurfio â’r holl ddeddfwriaeth berthnasol a gofynion eraill, a byddwn yn cydweithredu’n llawn gyda’r awdurdodau perthnasol i gyd. Wrth symud ymlaen, byddwn yn:

Dangos arweinyddiaeth eithriadol a datblygu arweinwyr eithriadol ar draws y sefydliad i’n helpu ni gyflawni ein hamcanion addysgol, iechyd, lles, diogelwch, cynaliadwyedd a byd natur.
Sicrhau bod ein penderfyniadau yn ystyried costau cymdeithasol, economaidd ac amgylcheddol fel rhan o feddylfryd twf.
Gweithio’n ddiflino i leihau allyriadau carbon trwy ein Strategaeth Sero erbyn 2030 (cwmpasau 1 a 2) a 2035 (cwmpas 3)
Adrodd ar ein hallyriadau carbon yn flynyddol, gan gynnwys fel rhan o gynllun adrodd carbon Llywodraeth Cymru
Adrodd effeithiau ein huchelgeisiau i fod yn sefydliad eithriadol i’r CU fel rhan o’r Cytundeb SDG.
Sicrhau y dosrennir, derbynnir a chyflawnir cyfrifoldebau dros sicrhau diogelwch, lles, iechyd a chynaliadwyedd o’r radd flaenaf yn y coleg.
Gosod targedau penodol a monitro cynnydd o fewn ein Strategaeth Datblygu Cynaliadwy a sero net erbyn 2030
Parhau i wreiddio a datblygu addysg ar gyfer cynaliadwyedd ar draws y sefydliad a sicrhau bod pob aelod o staff a dysgwr, ar bob lefel, yn cael eu cefnogi i’n helpu ni i gyd i gyflawni ein nodau a’n huchelgeisiau ar y cyd, gan gynnwys trwy Sgiliau ar gyfer Llwyddiant, Llais y Dysgwr a Strategaeth Cwricwlwm Dyfodol Cynaliadwy
Sicrhau ein bod ni’n dangos gonestrwydd ac eglurder mewn adroddiadau i’r cyhoedd.
Asesu effeithiau Deallusrwydd Artiffisial a chynaliadwyedd yn barhaus

Bydd y datganiad polisi hwn yn cael ei ddwyn i sylw pob aelod o staff a myfyriwr trwy fewnrwyd a gwefan a bydd copïau ar gael am ddim i’r cyhoedd, cyflenwyr, contractwyr ac awdurdodau rheoleiddio. Bydd y ddogfen hon yn cael ei hadolygu, o leiaf, yn flynyddol.

Viv Buckley