Cyllid a Buddsoddi Moesegol

Adran: Cynaliadwyedd
Awdur y Ddogfen: Chris Long
Teitl Swydd: Rheolwr Cynaliadwyedd
Dyddiad Cymeradwyo: 09/10/2025
Dyddiad Adolygu: 09/10/2028

Pwrpas ac Amcanion:

Mae ein cenhadaeth yn un syml – byddwch yn bopeth y gallwch fod.

Mae Coleg Penybont yn lle arbennig i ddysgu a gweithio. Ein nod yw creu amgylchedd cynhwysol sy’n galluogi pobl i fod yn arloesol ac yn angerddol am yr hyn maen nhw’n ei wneud. Rydyn ni am greu cyfleoedd ysbrydoledig sy’n trawsnewid bywydau a dathlu llwyddiannau pob unigolyn. Rydym wedi ymrwymo i wneud penderfyniadau sy’n foesegol ac yn bobl-ganolog, er lles pob unigolyn ac ym mhob rhyngweithiad.

Gwyddom mai’r safonau y cerddwn heibio iddynt yw’r safonau a dderbyniwn, felly drwy fod yn chwaraewr tîm sy’n ymroddedig i werthoedd ein sefydliad, gallwn sicrhau fod pawb yn barod i ddysgu a gweithio mewn amgylchedd lle maen nhw’n cael eu parchu ac yn teimlo’n ddiogel, i fod popeth y gallant fod.

Rydyn ni am i Goleg Penybont fod yn lle noddfa, gan feithrin ymdeimlad o berthyn.

Rydym yn cydnabod yr effaith sylweddol y mae trawma yn ei gael ar fywydau unigolion ac yn deall bod agwedd dosturiol a chydymdeimladol yn hanfodol i gefnogi ein myfyrwyr a’n staff ar eu teithiau academaidd a phersonol. Byddwn yn gwneud hyn drwy fod yn bwyllog, yn gyson ac yn ofalgar wrth gyfathrebu a gwneud penderfyniadau.

Ein bwriad yw bod yn goleg gwrth-hiliol. Rydym wedi ymrwymo i feithrin diwylliant cynhwysol lle mae pobl yn barchus a lle mae hyn yn treiddio trwy bopeth a wnawn. Rydyn ni am ddatblygu diwylliant lle mae pobl yn cefnogi ei gilydd gydag ymddiriedaeth a gonestrwydd – man dysgu agweithio lle mae pobl yn ffynnu.

Fel sefydliad addysg, rydym yn cydnabod ein cyfrifoldeb am ddatblygu sgiliau, gwybodaeth a hyder ein myfyrwyr, ein staff a’r cymunedau rydym yn eu gwasanaethu.

Gwyddom nad ydym bob amser yn gwneud pethau’n iawn, ond rydym yn ymrwymedig i wrando, dysgu ac addysgu ein hunain ar ein taith i fod yn sefydliad eithriadol.

Rydym wedi ymrwymo i sicrhau bod dewisiadau a chynigion cwrs er budd addysgol gorau dysgwr unigol, gan eu galluogi i gyflawni a gwneud cynnydd (o ran sgiliau personol ond hefyd datblygiad cymdeithasol ac academaidd).

Mae’r polisi hwn yn berthnasol i bob ymgeisydd sy’n gwneud cais neu’n cofrestru ar raglen ddysgu, beth bynnag fo’r modd neu’r lleoliad astudio.

1. Pwrpas ac Amcanion:

Mae Coleg Pen-y-bont ar Ogwr wedi ymuno â sefydliadau ledled y byd i ddatgan yn gyhoeddus argyfwng hinsawdd ac ecolegol. Rydym wedi llofnodi’r Cytundeb Nodau Datblygu Cynaliadwy (SDGs), wedi sicrhau bod ein targed carbon sero ar gael i’r cyhoedd ac wedi cwblhau, ac yn parhau i ddatblygu, ein strategaeth cynaliadwyedd. Ymhellach, rydym wedi mabwysiadu’r Nodau Llesiant a ddisgrifir yn Neddf Llesiant Cenedlaethau’r Dyfodol. Gyda’i gilydd, mae’r Nodau Datblygu Cynaliadwy a’r nodau llesiant yn gweithredu fel y glasbrint i sicrhau dyfodol gwell a mwy cynaliadwy i bawb. Maent yn mynd i’r afael â’r heriau byd-eang sy’n ein hwynebu, gan gynnwys y rhai sy’n ymwneud â thlodi, anghydraddoldeb, newid yn yr hinsawdd, diraddio amgylcheddol, heddwch a chyfiawnder’’. Mae cynaliadwyedd yn ganolog i Goleg Pen-y-bont ar Ogwr ac mae’r polisi hwn yn dangos ein hymrwymiad i sicrhau ein bod yn gwneud penderfyniadau ariannol yn gyfrifol, gydag uniondeb, didwylledd a thryloywder.

1.1 Pwrpas y ddogfen hon yw sicrhau bod ystyriaeth briodol yn cael ei rhoi i faterion llywodraethu cymdeithasol, amgylcheddol a chorfforaethol ynghylch unrhyw fuddsoddiadau ariannol a phenderfyniadau y gallwn eu gwneud.

1.2 Nod y ddogfen hon yw lleihau’r effeithiau negyddol sy’n codi o ganlyniad i’n penderfyniadau prynu neu ariannu, a chael gwared â nhw yn gyfan gwbl os oes modd gwneud hynny. Ar ben hynny, byddwn yn ymdrechu i wella effeithiau positif ar faterion cymdeithasol, economaidd, amgylcheddol a llywodraethu corfforaethol pan fydd y cyfle i wneud hynny yn codi.

2. Manylion y Ddogfen:

Wrth wneud penderfyniadau am gyllid a buddsoddi, byddwn yn cymryd camau rhesymol i nodi a gweithredu ynghylch y canlynol, lle bo modd:

1. Gwahardd caffael nwyddau a gwasanaethau oddi wrth fusnesau sy’n ymwneud â dosbarthu cynhyrchion tybaco
2. Gwahardd caffael nwyddau a gwasanaethau oddi wrth fusnesau sy’n ymwneud â chynhyrchu arfau a systemau arfau, gan gynnwys bomiau cawod a ffrwydron tir gwrth-bersonél
3. Gwahardd caffael nwyddau a gwasanaethau oddi wrth fusnesau sydd wedi cyflawni troseddau hawliau dynol, gan gynnwys masnachu pobl a chaethwasiaeth fodern, neu os oes tystiolaeth fod y busnes yn cyfrannu at sefydliadoli tlodi trwy arferion masnachu gwahaniaethol, neu wahaniaethu ar sail hil neu ryw.
4. Gwahardd defnyddio cwmnïau sy’n profi ar anifeiliaid at ddibenion cosmetig yn unig.
5. Gwahardd caffael nwyddau neu wasanaethau gan sefydliadau a gafwyd yn euog o, neu sy’n ymwneud â, difrod amgylcheddol amlwg.

Yn benodol, byddwn yn:

1. Hyrwyddo hawliau dynol, gan gynnwys ond heb fod yn gyfyngedig i gydraddoldeb o ran rhyw, hil a rhywioldeb, gan gynnwys fel rhan o gyfleoedd dysgu ac addysgu.
2. Hyrwyddo moeseg busnes dda ac arferion cyflogi da, gan gynnwys fel rhan o gyfleoedd dysgu ac addysgu.
3. Diogelu’r amgylchedd lleol a byd-eang, ei hinsawdd a’i fioamrywiaeth, gan gynnwys fel rhan o gyfleoedd addysgu a dysgu a chyflawni’r ymrwymiadau a nodir yn y strategaeth datblygu cynaliadwy.
4. arparu a chaffael adnoddau a gwasanaethau mewn modd cynaliadwy.
5. Ymgymryd â moeseg busnes da ac arferion cyflogaeth da.
6. Ymgymryd â buddsoddi cymunedol a chaffael adnoddau a gwasanaethau lleol lle bo modd gwneud hynny.
7. Cynnal cyflenwad trydanol sydd yn 100% adnewyddadwy.
8. Buddsoddi mewn systemau gwresogi nad ydynt yn defnyddio tanwyddau ffosil, fel rhan o’r strategaeth hinsawdd.
9. Annog unrhyw un sy’n dymuno herio ein harferion o ran buddsoddi moesegol i leisio eu pryderon.
10. Gweithio gyda sefydliadau moesegol a rhannu arferion da.

3. Cyfrifoldebau:

3.1 Mae’r Uwch Dîm Arwain yn gyfrifol am gymeradwyo’r ddogfen hon ac am dynnu sylw Grŵp Gweithredu’r Coleg ati.

3.2 Mae Pennaeth Cynaliadwyedd yn gyfrifol am gynnal y ddogfen hon a datblygu’r weithdrefn gaffael gynaliadwy ac anghenion hyfforddi ar y cyd â Phennaeth Cyllid a’r Swyddog Caffael.

3.3 Mae’r Rheolwr Marchnata yn gyfrifol am sicrhau bod y prif bwyntiau’n cael eu cyhoeddi ar wefan y Coleg.

4. Dogfennau Cysylltiedig:

SPS01 Datganiad Polisi Cynaliadwyedd

Gweithdrefnau Ariannol

Gweithdrefn Caffaeliad Cynaliadwy

5. Adolygu’r ddogfen:

Bydd y ddogfen hon yn cael ei hadolygu o leiaf unwaith bob dwy flynedd, neu ar ôl unrhyw newidiadau sylweddol iddi.

Rhestr Wirio’r Polisi:

Asesiad O’r Effaith Ar Gydraddoldeb

Dyddiad cwblhau’r asesiad: 09/10/2025
Llofnod y rheolwr a gwblhaodd yr asesiad: Chris Long

Asesiad o’r Effaith ar y Gymraeg

Safonau’r Gymraeg

Cynllun Gweithredu

Dylai’r cynllun gweithredu nodi’r camau i’w cymryd i leihau neu, lle bo modd, ddileu unrhyw effaith negyddol ar y Gymraeg.

Dyddiad cwblhau’r asesiad: 09/10/2025

Student finance

Studying at college may involve costs for you.

Find out more

Discovery Events

Throughout the year, we open our doors to the public and run a number of discovery events.

Find out more

Campus Tours

We offer over 20 different tours, all of which are focused on a specific subject area.

Find out more

Cyfleoedd

Cyfleoedd is our careers hub, and we work closely with students to enhance careers education and promote work-related opportunities.

Find Out More

Careers

We are a values-based organisation, and we look for people to join us who share those values.

Find Out More