Cylch Gorchwyl y Pwyllgor Cwricwlwm ac Ansawdd

Wedi’i gymeradwyo gan y Corff Llywodraethu ar 21 Mai 2026

Constitution and Membership

Bydd y Corff Llywodraethu’n gyfrifol am sefydlu Pwyllgor Cwricwlwm ac Ansawdd a fydd yn cynnwys y canlynol:

Cadeirydd y Corff Llywodraethu, ex officio;

y Pennaeth, ex officio;

dau fyfyriwr-lywodraethwr;

o leiaf ddau a hyd at bum aelod o’r Corff Llywodraethu wedi’u penodi gan y Corff Llywodraethu (mae hyn yn ychwanegol at Gadeirydd y Corff Llywodraethu). Bydd y Pwyllgor Chwilio a Llywodraethu yn gwneud argymhellion i’r Corff Llywodraethu.

Bydd Cadeirydd y pwyllgor yn cael ei benodi o blith yr aelodau cymwys gan y Corff Llywodraethu.

Ni ddylid penodi llai na chwe aelod na mwy na naw aelod i’r Pwyllgor. Bydd angen i o leiaf 40% o’r aelodau fod yn bresennol i gael cworwm a rhaid bod o leiaf ddau aelod o’r Corff Llywodraethu’n bresennol fel rhan o’r cworwm hwn.

Gall y Pwyllgor, gyda chymeradwyaeth y Corff Llywodraethu, gyfethol aelodau sydd ag arbenigedd penodol o du allan i’r Corff Llywodraethu, cyn belled nad ydynt yn cael eu cyflogi gan y Coleg.

Gall y Pwyllgor hefyd gyfethol UN aelod staff Cymraeg ei iaith am gyfnod o bedair blynedd, a hyd at DDAU fyfyriwr am gyfnod o un flwyddyn yr un.

Gall aelodau o’r Uwch Dîm Arwain ac aelodau staff eraill fynychu yn ôl gofyn y Pwyllgor.

Authority

Awdurdodir y Pwyllgor gan y Corff Llywodraethu i archwilio pob agwedd ar ddarpariaeth cwricwlwm y Coleg, gan gynnwys gwerthuso ansawdd, ac i adrodd i’r Corff Llywodraethu llawn.

Proceedings

Bydd y Pwyllgor yn cyfarfod ddwywaith y flwyddyn fel arfer, ac yn adrodd i’r Corff Llywodraethu yng nghyfarfod cyfleus cyntaf y Corff Llywodraeth wedi cyfarfod Pwyllgor.

Duties

Bydd dyletswyddau’r Pwyllgor yn cynnwys:

derbyn adroddiadau am, a chynghori ar, ddarparu a chynllunio’r cwricwlwm;

craffu ar adroddiadau am ymrestriadau, dargadwedd, cynnydd, cyrhaeddiad, a chwblhad llwyddiannus;

trafod adroddiadau ar ryngweithiadau a datblygiadau gyda chyrff addysgol eraill;

dadansoddi adroddiadau am asesu ansawdd y cwricwlwm yn fewnol ac yn allanol;

derbyn ac ystyried adroddiadau ar wasanaethau myfyrwyr a llesiant y dysgwyr (eitem sefydlog); (NODER – caiff materion sy’n ymwneud â staff eu hystyried gan y Pwyllgor Cynllunio Adnoddau)

derbyn a thrafod adroddiadau ar “bob peth Cymraeg” (eitem sefydlog);

gwneud argymhellion i’r Corff Llywodraeth lle bo hynny’n berthnasol; a

sicrhau bod trefniadau ar waith i gynghori’r Pennaeth am ansawdd, cynllunio, cyd-drefnu, datblygu a goruchwylio gwaith academaidd y sefydliad, gan gynnwys trefniadau ar gyfer derbyn, asesu ac arholi myfyrwyr, a’r gweithdrefnau ar gyfer diarddel myfyrwyr am resymau academaidd (Erthygl 3(4)).