Cofnodion Cyfarfod y Corff Llywodraethu – 21 Mai 2026
Ystafell Fwrdd Campws Penybont a thrwy Google Meet – 4:30yp
AELODAU A OEDD YN BRESENNOL:
- Emma Adamson – Cadeirydd
- Viv Buckley – Pennaeth/Prif Swyddog Gweithredol
- Joe Castle
- Trish D’Souza
- Ceri Dixon
- Tomos Owen
- Stephne Puddy
- Neil Robinson
- Susan Smith
- Helen Verity
- Mihindi Wimalasoma – Myfyriwr-lywodraethwr – ymunodd am 4.50yp
ERAILL A OEDD YN BRESENNOL
- Joe Baldwin – Dirprwy Bennaeth (Cenedlaethau’r Dyfodol)
- Gemma Carr-Evans – Pennaeth Cynorthwyol Dros Dro (Cwricwlwm)
- Nicola Eyre – Clerc
- Claire Flay-Petty – Cyfarwyddwr Ansawdd Dros Dro
- Andrew Gibbs – Dirprwy Bennaeth (Adnoddau)
- Rachel Lewis – Rheolwr Cwricwlwm (Adeiladwaith) – GWYLIWR – ymunodd am 4.50yp
- Catherine Luff – Pennaeth Cynorthwyol Dros Dro (Pobl)
- Kevin Punter – Cyfarwyddwr Cyllid Dros Dro
- Matthew Rees – Prif Swyddog Gweithredu Dros Dro
- Catrin Sullivan – Pennaeth Cynorthwyol Dros Dro (Cwricwlwm)
Dechreuodd y cyfarfod am 4.30yp.
Cyn dechrau’r cyfarfod, rhoddwyd dau gyflwyniad i’r Corff Llywodraethu:
- Llwybrau Cyflogaeth â Chymorth – Mynychodd dau ddysgwr – Wyatt a Richard, Will Richards (Tiwtor Cyflogaeth â Chymorth) a Kathryn Sweet (Rheolwr Cwricwlwm Gofal, Astudiaethau Plentyndod a Sgiliau Byw’n Annibynnol) y cyfarfod i roi trosolwg o lwybrau cyflogaeth â chymorth y Coleg.
Cyflwynodd y Dirprwy Bennaeth (Adnoddau) y daith a ddechreuodd yn 2019 gyda’r interniaid cyntaf â chymorth yn cael eu cyflogi yn Ysbyty Tywysoges Cymru a sut y datblygodd y rhaglen hon gydag ail lwybr yn 2021 gyda phs Group ac agor Clwb Coffi ar safle’r Coleg. Nodwyd yn ddiweddarach eleni, bydd cynlluniau i gychwyn trydydd llwybr gyda CBS Pen-y-bont ar Ogwr.
Esboniodd y Dirprwy Bennaeth (Cenedlaethau’r Dyfodol) mai pwrpas y ddarpariaeth hon yw darparu cyfleoedd cyflogaeth â thâl ystyrlon, a phrofiad ymgolli, gyda’r nod y gall y dysgwyr hyn symud ymlaen i swyddi â thâl y tu allan i’r Coleg ar ôl cwblhau’r rhaglen. Dathlwyd bod dros 70% o interniaid wedi sicrhau swyddi llawn amser â thâl ar ôl iddynt gwblhau eu hinterniaeth, sy’n gyflawniad gwych o’i gymharu â’r meincnod cenedlaethol o 52.8% o bobl anabl sy’n cael eu cyflogi.
Esboniodd Will Richards y gwahanol lwybrau a gynhelir gan y Coleg a thynnodd sylw at lwyddiant ac effaith y rhain.
Eglurwyd menter y Big Bocs Bwyd i’r Corff Llywodraethu a sut mae’r cynnig pantri cymunedol hwn wedi helpu i arbed bron i £18k o fwyd rhag mynd i safleoedd tirlenwi’r flwyddyn academaidd hon wrth helpu i fynd i’r afael â thlodi bwyd i staff a dysgwyr.
Hysbysodd y Dirprwy Bennaeth (Cenedlaethau’r Dyfodol) y Corff Llywodraethu fod Will Richards wedi cynrychioli Cymru yn Her y Cogydd Cynnyrch Crwst Byd-eang dros y penwythnos ac wedi cyrraedd safle 4 yn gyffredinol. Llongyfarchodd y Corff Llywodraethu Will ar y cyflawniad anhygoel hwn.
GOLYGWYD
Dechreuodd y prif gyfarfod am 5.50yp
1. CROESO GAN Y CADEIRYDD AC YMDDIHEURIADAU AM ABSENOLDEB
Croesawodd y Cadeirydd bawb i’r cyfarfod.
Nodwyd ymddiheuriadau am absenoldeb gan Hatti Bluff (Myfyriwr-lywodraethwr), Jo Creeden, Lisa Dobbs (Staff-lywodraethwr), Claire Marshall, Jo Oak, Cath Pickett (Staff-lywodraethwr), Lloyd Powell, Emma Roblin (Myfyriwr-Lywodraethwr) a Hayley Thomas (Is-bennaeth – Cwricwlwm ac Ansawdd).
Cyflwynwyd tystysgrif a thaleb i Mihindi Wimalasoma i ddangos gwerthfawrogiad y Corff Llywodraethu am wasanaethu fel Myfyriwr-Lywodraethwr yn ystod blwyddyn academaidd 2025/26. Roedd Mihindi wedi ymddiheuro ymlaen llaw y bydd yn absennol am gyfarfod mis Gorffennaf.
2. DATGANIADAU O FUDDIANNAU
Dim
3. COFNODION CYFARFOD Y CORFF LLYWODRAETHU A GYNHALIWYD AR 19 MAWRTH 2026
Cadarnhawyd cofnodion cyfarfod y Corff Llywodraethu a gynhaliwyd ar 19 Mawrth 2026 yn gywir.
4. MATERION SY’N CODI
4.1 Cofnod o Gamau Gweithredu
Rhoddodd y Clerc drosolwg o’r camau gweithredu ar y Traciwr Camau Gweithredu:
- Cam Gweithredu 1 – Cyflwyniad ar Lwybrau Cyflogaeth â Chymorth – rhoddwyd y cyflwyniad hwn cyn dechrau’r cyfarfod hwn
- Cam Gweithredu 2 – Gwahoddiad i aelodau ymuno â’r sesiynau hyfforddi Llythrennedd Carbon – WEDI’I GWBLHAU. Bydd yr hyfforddiant yn digwydd ar dri dyddiad ym mis Mehefin a mis Gorffennaf. Mae pedwar aelod i fod i fynychu.
- Cam Gweithredu 3 – Trafodaeth am gynaliadwyedd yng nghyfarfod Diwrnod Cwrdd i Ffwrdd mis Medi. Dim disgwyl i’r cam gweithredu hwn gael ei gwblhau eto
5. DIWEDDARIAD GAN Y PENNAETH
Tynnodd y Pennaeth a’r Cadeirydd sylw at y canlynol o Adroddiad y Pennaeth:
- Mae’r Coleg yn safle 6 yn Addewid Teach-In Nodau Datblygu Cynaliadwy 2026; roedd y coleg yn safle 9 yn 2025.
- Mae’r Coleg wedi derbyn statws Coleg Noddfa sy’n cydnabod gwerthoedd diwylliannol cryf y Coleg a’i ymrwymiad i bobl sy’n chwilio am noddfa. Dywedodd y Cadeirydd fod y Corff Llywodraethu’n falch iawn o’r cyflawniad hwn.
- Cynhaliwyd Arolygiad Estyn ar ddarpariaeth Dysgu Oedolion yn y Gymuned rhwng 11 a 15 Mai. Mae’r canfyddiadau wedi’u gwahardd tan i’r adroddiad gael ei gyhoeddi.
Diolchodd y Pennaeth i Susan Smith am gynrychioli’r Corff Llywodraethu yn y sesiwn adborth gydag Estyn. Meddai Susan ei bod yn bleser bod yn rhan o hwn gan ei fod yn stori o ragoriaeth o ran yr ansawdd, y ddarpariaeth a phrofiad y dysgwr.
- Bathodynnau Gwerthoedd – Dyfarnwyd 69 o fathodynnau ers mis Mawrth.
- Cyhoeddwyd Fframwaith Rheoleiddio Medr ddechrau mis Ebrill. Mae llawer o waith yn digwydd i adolygu’r gofynion hyn a bydd diweddariad pellach yn cael ei gyflwyno yng nghyfarfod y Corff Llywodraethu yn y dyfodol.
Nododd yr aelodau’r diweddariad.
6. DIWEDDARIAD DIOGELU
Rhoddodd y Dirprwy Bennaeth (Cenedlaethau’r Dyfodol) drosolwg o’r adroddiad diogelu a’r gwaith sydd wedi digwydd ers cyfarfod mis Mawrth. Nodwyd y canlynol:
- Mae cyfanswm y pryderon gan fyfyrwyr a nifer y myfyrwyr unigol yn unol â’r disgwyliadau ar gyfer yr adeg hon o’r flwyddyn.
- GOLYGWYD
- O ganlyniad i lefel bygythiad terfysgol y DU gynyddu ar 30 Ebrill o ‘Sylweddol’ i ‘Ddifrifol’, adolygodd y Coleg ei asesiad risg a’i Gynllun Gweithredu a chynhaliodd wiriad wythnos o hyd ar gardiau adnabod myfyrwyr yn ystod yr wythnos yn dechrau 4 Mai.
- GOLYGWYD
Nododd yr aelodau’r diweddariad.
7. MATERION LLYWODRAETHU
Materion i’w cymeradwyo
- Cymeradwywyd Cylch Gorchwyl y Pwyllgor Cwricwlwm ac Ansawdd, y Pwyllgor Tâl a’r Pwyllgor Chwilio a Llywodraethu.
- Yn dilyn argymhelliad gan y Pwyllgor Chwilio a Llywodraethu, cymeradwywyd ail gyfnod yn y swydd o bedair blynedd i Claire Marshall; dyddiad dod i rym – 6 Medi 2026.
Mater i’w nodi
Cynhaliwyd cyfarfod Gwrandawiad Apêl yn ddiweddar i glywed apêl aelod o staff yn erbyn diswyddiad am gamymddwyn difrifol. Roedd y panel yn cynnwys tri aelod o’r Corff Llywodraethu a’r canlyniad oedd bod penderfyniad y Pennaeth i ddiswyddo wedi’i gadarnhau; roedd apêl y cyflogai’n aflwyddiannus.
8. DIWEDDARIAD ARIANNOL
Esboniodd y Cyfarwyddwr Cyllid Dros Dro mai nod y papur yw rhoi sicrwydd rhwng Rhagolygon Chwefror a Mai bod popeth yn unol â’r disgwyliadau ac nad oes unrhyw bryderon i’w hadrodd i’r Corff Llywodraethu. Nodwyd y gallai fod gwelliant bach o’i gymharu â Rhagolwg Mis Chwefror.
Dywedodd y Pennaeth ei fod wedi bod yn newid ariannol trawiadol GOLYGWYD
Diolchodd y Cadeirydd i’r Cyfarwyddwr Cyllid Dros Dro am y diweddariad. Nid oedd unrhyw gwestiynau gan yr aelodau.
Nododd y Corff Llywodraethu’r Diweddariad Ariannol.
9. DIWEDDARIAD AR GAMPWS CANOL Y DREF
Cyflwynodd y Dirprwy Bennaeth (Adnoddau) yr uchafbwyntiau canlynol o’r adroddiad:
- Nid oes unrhyw broblemau i’w hadrodd.
- Mae sylfeini Adeilad 2 bellach wedi’u cwblhau a dylai’r ffrâm fetel fod wedi’i chwblhau erbyn yr haf yn barod ar gyfer y cladin.
- Nid oes unrhyw newidiadau i’r gyllideb na’r rhagolygon llif arian a gyflwynwyd yng nghyfarfod mis Mawrth.
- GOLYGWYD
Diolchodd y Cadeirydd i’r Dirprwy Bennaeth (Adnoddau) am y diweddariad ac ni ofynnwyd unrhyw gwestiynau.
10. NODAU CLIR A HERIOL A CHERDYN SGORIO CYTBWYS
GOLYGWYD
NODODD y Corff Llywodraethu’r diweddariad.
11. UNRHYW FATER ARALL
Dim
12. GWIRIWR GWERTHOEDD
Gofynnwyd i’r aelodau gwblhau’r Gwiriwr Gwerthoedd ar-lein.
Diolchwyd i’r aelodau, yr UDA a Rachel Lewis am fynychu.
Daeth y cyfarfod i ben am 6.12yh. Cynhaliwyd cyfarfod materion cyfrinachol ar ôl y cyfarfod hwn ar gyfer aelodau cymwys.
